Praggnanandhaa History: చరిత్ర సృష్టించిన ప్రజ్ఞానంద
గ్రాండ్ చెస్ టూర్ గెలిచిన తొలి భారతీయుడిగా రికార్డు
అమెరికాలోని సెయింట్ లూయిస్లో నిన్న రాత్రి జరిగిన ఫైనల్లో, డిఫెండింగ్ ఛాంపియన్ ఫాబియానో కరువానాపై 15-13 తేడాతో అద్భుతమైన పునరాగమనంతో విజయం సాధించి, 'గ్రాండ్ చెస్ టూర్'(First Indian to win Grand Chess Tour) గెలిచిన తొలి భారతీయుడిగా భారత గ్రాండ్మాస్టర్ ఆర్. ప్రజ్ఞానంద చరిత్ర(Praggnanandhaa makes history) సృష్టించారు. ఫైనల్ రోజు ప్రారంభంలో కరువానా కంటే ఆరు పాయింట్లు వెనుకబడి ఉన్నప్పటికీ, ప్రజ్ఞానంద రెండు ర్యాపిడ్ గేమ్స్లోనూ విజయం సాధించి ఆధిక్యాన్ని దక్కించుకున్నారు.
అతను ఆ తర్వాత నాలుగు బ్లిట్జ్ గేమ్లలో తన పట్టు నిలుపుకొని 15-13 తేడాతో విజయం సాధించి, 2 లక్షల డాలర్ల ప్రథమ బహుమతిని కైవసం చేసుకోవడంతో పాటు, వచ్చే ఏడాది జరిగే గ్రాండ్ చెస్ టూర్లో తన స్థానాన్ని కూడా ఖాయం చేసుకున్నాడు. మూడవ స్థానం కోసం జరిగిన మ్యాచ్లో, వెస్లీ సో కూడా విన్సెంట్ కీమర్పై బలమైన పునరాగమనం చేశాడు. ఇద్దరు ఆటగాళ్లు ర్యాపిడ్ గేమ్లను సమంగా పంచుకున్న తర్వాత, సో నాలుగు బ్లిట్జ్ గేమ్లనూ గెలిచి 18-12 తేడాతో విజయాన్ని ఖాయం చేసుకున్నాడు. అంతకుముందు, ప్రజ్ఞానంద మొదటి క్లాసికల్ గేమ్లో కరువానా చేతిలో 6-0 తేడాతో ఓడిపోయినప్పటికీ, రెండవ గేమ్ను 3-3తో డ్రా చేసుకొని తన ఆశలను సజీవంగా ఉంచుకున్నాడు.
