హైదరాబాద్ చేరుకున్న రాష్ట్రపతి ద్రౌపది ముర్ము

హైదరాబాద్,(విజయక్రాంతి): రాష్ట్రపతి ద్రౌపది ముర్ము రెండు రోజుల పర్యటనలో భాగంగా హైదరాబాద్ చేరుకున్నారు. బేగంపేట విమానాశ్రయానికి చేరుకున్న రాష్ట్రపతికి తెలంగాణ గవర్నర్ జిష్ణు దేవ్ వర్మ, సీఎం రేవంత్ రెడ్డి, డిప్యూటి సీఎం భట్టి విక్రమార్క, రాష్ట్ర బీజేపీ అధ్యక్షులు, కేంద్రమంత్రి కిషన్ రెడ్డి, కేంద్రమంత్రి బండి సంబయ్ కుమార్, జీహెచ్ఎంసీ మేయర్ విజయలక్ష్మి స్వాగతం పలికారు.

రాష్ట్రపతి బేగంపేట విమానాశ్రయం నుంచి రాజ్ భవన్ కు వెళ్లారు. గురువారం రాత్రి ఎన్టీఆర్ స్టేడియంలో జరిగే కోటీ దీపోత్సవం కార్యక్రమానికి రాష్ట్రపతి ద్రౌపతి ముర్ము హాజరుకానున్నారు. ఇవాళ రాత్రి రాజ్ భవన్ లో బస చేసి శుక్రవారం శిల్పాకళ వేదికలో జరుగబోయ్యే లోక్ మంథన్ 2024 కార్యక్రమంలో పాల్గొన్ననున్నారు. అనంతరం రాష్ట్రపతి ద్రౌపది ముర్ము తిరిగి ఢిల్లీ వెళ్లనున్నారు.