మధ్యప్రదేశ్: దేశంలో భావజాల పోరాటం జరుగుతోందని కాంగ్రెస్ అగ్రనేత, లోక్ సభ ప్రతిపక్షనేత రాహుల్ గాధీ పేర్కొన్నారు. ఒక వైపు కాంగ్రెస్ పార్టీ, దేశ రాజ్యాంగం, మరో వైపు రాజ్యాంగాన్ని నాశనం చేయడంలో నిమగ్నమైన బిజెపి-ఆర్ఎస్ఎస్ ఉందని ఆరోపించారు. బీజేపీ-ఆర్ఎస్ఎస్ తమ ప్రజలను ప్రతి సంస్థలో ఉంచి నెమ్మదిగా దేశాన్ని గొంతు నొక్కుతున్నాయని చెప్పారు. బీజేపీ-ఆర్ఎస్ఎస్ వ్యక్తులపై కొంచెం ఒత్తిడి తెచ్చినా, వారు భయంతో పారిపోతారని, డోనాల్డ్ ట్రంప్ అక్కడి నుండి ఫోన్ చేసి నరేంద్ర లొంగిపోండని చెప్పితే.. ఇక్కడ మోడీ ట్రంప్ ఆజ్ఞను అనుసరించి అవును హుజూర్ అని అన్నారు. 1971లో అమెరికా ఏడవ నౌకాదళం వచ్చింది, కానీ ఇందిరా గాంధీ-తను ఏమి చేయాలనుకుంటున్నానో అది చేస్తాను అని రాహుల్ తెలిపారు.

బీజేపీ-ఆర్ఎస్ఎస్ వ్యక్తుల లక్షణమని, స్వాతంత్ర్యం వచ్చినప్పటి నుండి వారికి లొంగిపోయే లేఖలు రాసే అలవాటు ఉందని విమర్శించారు. కాంగ్రెస్ పార్టీ లొంగిపోదు. గాంధీ, నెహ్రూ, సర్దార్ పటేల్-వీరు లొంగిపోయే వ్యక్తులు కాదు, అగ్రరాజ్యాలకు వ్యతిరేకంగా పోరాడే వ్యక్తులు అని గుర్తు చేశారు. తాము సామాజిక న్యాయం కోసం పోరాడతామని, లోక్ సభలో కుల గణనను ఆమోదించేలా చేస్తామని చెప్పినట్లు హామీ ఇచ్చారు. నరేంద్ర మోడీ, మోహన్ భగవత్, నితిన్ గడ్కరీ దీనిపై చాలా విషయాలు చెప్పారు, కానీ వారిపై కొంచెం ఒత్తిడి ఉండడంతో వారు లొంగిపోయారని అభిప్రాయపడ్డారు. బిజెపి-ఆర్ఎస్ఎస్ వ్యక్తులు ఒత్తిడికి గురై కుల గణన గురించి మాట్లాడారు, కానీ కుల గణనను నిర్వహించాలని కోరుకోవడం లేదన్నారు. బిజెపి-ఆర్ఎస్ఎస్ ప్రజలు దేశంలో న్యాయం కోరుకోవడం లేదు. వారు అదానీ-అంబానీ దేశాన్ని కోరుకుంటున్నారని,  సామాజిక న్యాయం ఉన్న దేశాన్ని వారు కోరుకోవడం లేదని రాహుల్ విరుచుకుపడ్డారు.