నిర్మల్ (విజయక్రాంతి): రాష్ట్రంలోని ఉపాధ్యాయుల ఉద్యోగులకు సంబంధించి పుట్టగొడుగుల అనేక చిన్నచితిక సంఘాలు పుట్టుకొస్తున్నాయని రాష్ట్ర ప్రభుత్వం ఆర్టీసీ, సింగరేణి సంస్థలకు నిర్వహించే గుర్తింపు ఎన్నికల లాగానే ఉపాధ్యాయులలో కూడా గుర్తింపు సంఘాల ఎన్నికల్లో నిర్వహించాలని ఎస్సీ ఎస్టీ ఉపాధ్యాయ సంఘం జిల్లా అధ్యక్షుడు భూక్య రాజేష్ నాయక్ రాష్ట్ర ప్రభుత్వాన్ని డిమాండ్ చేశారు.

జిల్లా ముఖ్య కార్యవర్గ సభ్యుల సమావేశంలో మాట్లాడుతూ పెండింగ్ లో ఉన్న ఉపాధ్యాయ సమస్యల పరిష్కారంలో అన్ని సంఘాలు విఫలం అయ్యాయని ప్రధానంగా పెద్ద సంఘాలు అని చెప్పుకునే కొన్ని సంఘాలు తొత్తు సంఘాలుగా మారాయని సగటు ఉపాధ్యాయుని సమస్యలు తీరక సతమతమవుతున్నాడని అందుకే రాష్ట్రంలోని ప్రతి సంఘ సభ్యుడు కూడా సంఘనికి గుర్తింపు సంఘ ఎన్నికలు నిర్వహించాలని ఉద్దేశంతో ఉన్నానని ఈ సందర్భంగా గుర్తు చేయడమైనది.

రాష్ట్ర ప్రభుత్వం వెంటనే ఉపాధ్యాయ వర్గాల్లో గుర్తింపు సంఘ ఎన్నికలు నిర్వహించాలి అదేవిధంగా పెండింగ్ సమస్యలైనా పిఆర్సి, హెల్త్ కార్డు హెల్త్ ట్రస్టు, ఉపాధ్యాయులకు ఎమ్మెల్సీ ఓటు హక్కుతో పాటు పెండింగ్లో ఉన్న టీఎస్ జిఎల్ఐ జిపిఎఫ్ బకాయిలతో పాటు రిటైర్మెంట్ అయిన ప్రతి ఉపాధ్యాయుని బకాయిలు కూడా చెల్లించాలి ఖాతాలను వెంటనే విడుదల చేయాలని ఈ సందర్భంగా రాష్ట్ర ప్రభుత్వాన్ని డిమాండ్ చేయడమైనది. కార్యక్రమంలో సంఘం జిల్లా ప్రధాన కార్యదర్శి క్రాంతి కుమార్, వెంకట రాజాం, సందీప్ కుమార్, కార్యవర్గ సభ్యులు పాల్గొన్నారు.