-రిభారీగా పెరిగిన సత్య నాదెళ్ల వేతనంకార్డు స్థాయిలో పెరుగుదల 

-2024- ఆర్థిక సంవత్సరానికి 96.5 మిలియన్ డాలర్ల ప్యాకేజీ

న్యూయార్క్, అక్టోబర్ 22: ప్రముఖ టెక్ దిగ్గజం మైక్రోసాఫ్ట్ సీఈఓ సత్య నాదెళ్ల వేత నం భారీగా పెరిగింది. 2024- ఆర్థిక సంవత్సరానికి ఆయన ఏకంగా 96.5 మిలియన్ డాలర్ల (సుమారు రూ. 846 కోట్లు) వేతన ప్యాకేజీని అందుకున్నారు. ఈ విషయాన్ని కంపెనీ తన రెగ్యు లేటరీ ఫైలింగ్‌లో పేర్కొంది. గత దశాబ్ద కాలంలో ఆయన సీఈఓగా బాధ్యతలు చేపట్టిన తర్వాత ఇదే అత్యధిక వేతనం కావడం విశేషం. 2024 ఆర్థిక సంవత్సరంలో ఆయన అందుకున్న 79.1 మిలియన్ డాలర్ల( రూ. 664 కోట్లు)తో పోలిస్తే ఇది 22 శాతం ఎ క్కువ.ఆర్టిఫిషియల్ ఇంటెలిజెన్స్ (ఏఐ) రం గంలో కంపెనీ సాధించిన అసాధారణ విజయాలకు గుర్తింపుగానే ఆయన జీతాన్ని భా రీగా పెంచినట్లు తెలుస్తోంది.

మైక్రోసాఫ్ట్ రె గ్యులేటరీ ఫైలింగ్ ప్రకారం  నాదెళ్ల వేతనం లో అధిక భాగం షేర్ల రూపంలోనే ఉంది. ఆయన ప్రాథమిక వేతనం 2.5 మిలియన్ డాలర్లు కాగా, మిగిలిన 90 శాతం కంపెనీ షేర్ల రూపంలో అం దుకోనున్నారు. గత ఆర్థి క సంవత్సరంలో 79.1 మిలియన్ డాలర్ల వేతనం అందుకున్నారు. ప్రస్తుతం టెక్నాలజీ ప్రపంచం లో ఏఐ ఒక పెను మార్పునకు కారణమవుతోందని, ఈ కీలక సమయంలో సత్య నాదె ళ్ల, ఆయన నాయకత్వ బృందం మైక్రోసాఫ్ట్ ప్రపంచంలోనే అగ్రగామిగా నిలి పారని కంపెనీ బోర్డు వాటాదారులకు తెలియజేసింది.

సత్య నాదెళ్ల నాయకత్వంలో మైక్రోసాఫ్ట్ షేరు విలువ ఈ ఏడాదిలోనే దాదాపు 23 శాతం పెరిగింది. ముఖ్యంగా అమెజాన్ వెబ్ సర్వీసెస్ వంటి పోటీదారులను అధిగమిస్తూ కంపెనీకి చెందిన అజూర్ క్లౌడ్ కంప్యూటింగ్ వ్యాపారం నిలకడగా వృద్ధి చెందుతోంది. ఒకప్పుడు చిన్న స్టార్టప్గా ఉన్న ఓపెన్‌ఏఐలో ముందుచూపుతో పెట్టుబడులు పెట్టడం నాదెళ్లకు బాగా కలిసొ చ్చింది. చాట్జీపీటీ సంచలనం సృష్టించడం తో మైక్రోసాఫ్ట్ ఆ సంస్థలో తన పె ట్టుబడులను 10 బిలియన్ డాలర్లకు పైగా పెంచింది.

ప్రస్తుతం ఆఫీస్ టూల్స్ నుంచి క్లౌడ్ సేవల వరకు దాదాపు అన్ని మైక్రోసాఫ్ట్ ఉత్పత్తులలో ఓపెన్‌ఏఐ టెక్నాలజీని అను సంధా నించారు.సత్య నాదెళ్ల వ్యూహాత్మక నిర్ణయా ల వల్లే మైక్రోసాఫ్ట్ క్లౌడ్, ఏఐ రంగాల్లో అగ్రస్థానానికి చేరింది. లింక్డ్‌ఇన్, గిట్హబ్, యా క్టివిజన్ బ్లిజార్డ్ వంటి కీలక సంస్థలను కొనుగోలు చేసి సాఫ్ట్వేర్, గేమింగ్, ప్రొఫెషనల్ నెట్వర్కింగ్ రంగాల్లోనూ కంపెనీని విస్తరించారు.