మానకొండూర్ (విజయక్రాంతి): ఎస్ఎఫ్ఐ జిల్లా కమిటీ ఆధ్వర్యంలో తిమ్మాపూర్ లోని వాగేశ్వరి ఇంజనీరింగ్ కళాశాలలో ప్రిన్సిపల్ ఛాంబర్ ముందు ధర్నా నిర్వహించారు. ఈ సందర్భంగా ఎస్ఎఫ్ఐ జిల్లా అధ్యక్షులు కాంపెల్లి అరవింద్ మాట్లాడుతూ కళాశాలలో డిప్లమా చదువుతున్న విద్యార్థులను ఫీజులు కట్టాలని వేధిస్తున్న పరిస్థితి నెలకొందని ఆవేదన వ్యక్తం చేశారు. డిప్లమా రెండవ సంవత్సరం చదువుతున్న విద్యార్థులను సోమవారం పరీక్ష ఉండడంతో జీవో ఉందని విద్యార్థులను ముందుగానే కళాశాల ఫీజులు కట్టాలని విద్యార్థులు ఇబ్బంది పెట్టే ప్రయత్నం యజమాన్యం చేసిందని తెలిపారు. విద్యార్థులు చేరే ముందు వారికి ఎలాంటి సమాచారం లేకుండా అడ్మిషన్లు చేయించి ఆ తర్వాత ఫీజులు కట్టమంటే విద్యార్థులు ఏ విధంగా కడతారని  ప్రశ్నించారు. అనంతరం యజమాన్యం విద్యార్థులకు తక్షణమే పేరెంట్ సమక్షంలో హాల్ టికెట్లు అందజేసింది. ఈ కార్యక్రమంలో ఎస్ఎఫ్ ఉపాధ్యక్షులు అసంపల్లి వినయ్ సాగర్, నాయకులు రాకేష్, అక్షయ్, రాకేష్ తదితరులు పాల్గొన్నారు.