ప్రత్యేక పూజలు నిర్వహించిన అయ్యప్ప భక్తులు...

కుమ్రం భీం ఆసిఫాబాద్ (విజయక్రాంతి): సుబ్రహ్మణ్య స్వామి షష్టి వేడుకలను అయ్యప్ప స్వాములు ఘనంగా నిర్వహించారు. శనివారం జిల్లా కేంద్రంలోని పెద్దవాగు సమీపంలో వెలసిన అయ్యప్ప స్వామి ఆలయంలో సుబ్రహ్మణ్య స్వామి జన్మదినం పురస్కరించుకొని ఆలయ అర్చకుడు నాగేశ్వర్ శర్మ ఆధ్వర్యంలో ప్రత్యేక పూజలు చేపట్టారు. ఈ సందర్భంగా సుబ్రహ్మణ్య స్వామికి ప్రత్యేక పూజలు, అష్టోత్తరాలు, అభిషేకాలు నిర్వహించారు. అనంతరం తీర్థప్రసాదాలు అందజేశారు. ఈ కార్యక్రమంలో గురు స్వాములు, స్వాములు, భక్తులు అధిక సంఖ్యలో పాల్గొన్నారు.