నిర్మల్ (విజయక్రాంతి): నిర్మల్ జిల్లా కేంద్రంలోని ఇందిరానగర్ కాలనీ ఆదివారం అయ్యప్ప శరణు ఘోషతో పులకించింది. వేద పండితులు వారెవార్ కృష్ణశర్మ ఆధ్వర్యంలో చింతకుంట వాడ కాలనీకి చెందిన గౌతం కన్నెస్వామి అయ్యప్ప స్వామి మహా పడిపూజ కన్నుల పండుగ నిర్వహించారు. ఈ సందర్భంగా గణపతి సుబ్రమణ్య స్వామి అయ్యప్ప స్వామి విగ్రహాలకు పంచామృతాలతో అభిషేకాలు చేపట్టి వివిధ రకాల పూలతో అలంకరించారు. భక్తులు ఆలపిచ్చిన భక్తి గీతాలు ఎంతగానో ఆకట్టుకున్నాయి. అనంతరం 18 మెట్ల పై కర్పూర జ్యోతి వెలిగించారు.  అనంతరం భక్తులకు అన్నప్రసాద వితరణ చేపట్టారు. ఈ కార్యక్రమంలో గురు స్వాములు బద్రి శ్రీనివాస్, అమ్ముల సిద్దు, కందుల శేఖర్, కోటగిరి గోపి, గండ్రత్ రమేష్, సాగర్,వివేక్, చింతపండు రమేష్ తదితరులు ఉన్నారు.