తెలంగాణ ఫిల్మ్ డెవలప్‌మెంట్ కార్పొరేషన్ చైర్మన్‌గా దిల్ రాజు

హైదరాబాద్: తెలంగాణ ఫిల్మ్ డెవలప్‌మెంట్ కార్పొరేషన్ (టీఎఫ్‌డీసీ) చైర్మన్‌గా ప్రముఖ సినీ నిర్మాత దిల్ రాజు నియమితులయ్యారు. ప్రభుత్వ ప్రధాన కార్యదర్శి శాంతి కుమారి సంతకంతో ఆయన నియామకాన్ని ప్రకటిస్తూ తెలంగాణ ప్రభుత్వం అధికారిక ఉత్తర్వులు జారీ చేసింది. ప్రకటన ప్రకారం, దిల్ రాజు రెండేళ్లపాటు ఈ పదవిలో ఉంటారు. ఇటీవలి ఎన్నికల సమయంలో దిల్ రాజు కాంగ్రెస్ పార్టీ నుంచి ఎంపీ లేదా ఎమ్మెల్యేగా పోటీ చేస్తారని గతంలో ఊహాగానాలు వచ్చాయి. అయితే ఆయన నేరుగా ఎన్నికల బరిలోకి దిగలేదు. ఆయన తెరవెనుక కాంగ్రెస్ పార్టీకి తన మద్దతును అందించారని వార్తలొచ్చాయి. తెలంగాణలో ఇప్పుడు కాంగ్రెస్ పార్టీ ప్రభుత్వాన్ని ఏర్పాటు చేయడంతో దిల్ రాజుకు ఈ కీలక బాధ్యతను అప్పగించారు.