- విద్యార్థుల కోసం ఉన్న చట్టాలు వారికి అర్థమయ్యేలా తెలియచేయండి..

- పాఠ్యాంశంతో పాటు జీవిత లక్ష్యాలను వివరించండి..

- విద్యాశాఖ ఏఎమ్ఓ దుంకుడు శ్రీనివాస్..

దేవరకద్ర: విద్యా బోధన చేయు సమయంలో విద్యార్థిని విద్యార్థులకు మంచి చెడు కూడా సవిధానంగా అర్థమయ్యేలా వివరించాలని ఏఎమ్ఓ దుంకుడు శ్రీనివాస్ అన్నారు. మహబూబ్ నగర్ లోని గత రోజులుగా ప్రభుత్వ బాలికల ఉన్నత పాఠశాలలో దేవరకద్ర మండల స్థాయి ప్రాథమిక ఉపాధ్యాయులకు నిర్వహిస్తున్న వృత్యంతర శిక్షణ శనివారం విజయవంతంగా ముగిసింది. ఈ సందర్భంగా ఉపాధ్యాయ శిక్షణ కేంద్రాన్ని ఏయంఓ దుంకుడు శ్రీనివాస్ సందర్శించి ఉపాధ్యాయులనుద్దేశించి ప్రసంగించారు. విద్యార్థుల కోసం తయారు చేయబడిన చట్టాల గురించి కూడా వారికి అర్థమయ్యే రీతిలో తెలియజేయాలని సూచించారు.

పాఠ్యాంశాలతో పాటు జీవితంలో వారికి అవసరమైన లక్ష్యాలను కూడా వివరించాలని సూచించారు.  ప్రభుత్వ పాఠశాలలో చదువుతున్న విద్యార్థులకు నాణ్యమైన విద్యను అందించి వారి లో విద్యా ప్రమాణాలు పెంచాల్సి న  బాధ్యత ప్రతి ఉపాధ్యాయుడిపై ఉందని అన్నారు. విద్యార్థుల కోసం మెరుగైన  బోధన పద్ధతులు  , విద్యార్థుల వ్యక్తి గత అవసరాలకు అనుగుణంగా బోధన, విద్యార్థుల సామర్థ్యాలను ఎలా పెంచాలనే అంశాలపై ఇచ్చిన శిక్షణను ఉపాధ్యాయులు సద్వినియోగం చేసుకోని క్షేత్ర స్థాయిలో అమలు చేయాలని కోరారు. మండల విద్యాధికారి, కోర్స్ డైరెక్టర్  బలరాం మాట్లాడుతూ  విద్యార్థుల ఎదుగుదలకు ఉపాధ్యాయులే కీలకమని అన్నారు.

ప్రాథమిక దశలోనే విద్యార్థుల పట్ల శ్రద్ధ కనబరచి వారికి చదవడం రాయడం నేర్పించాలని కోరారు.దీనికి ఆనుగుణంగా పాఠ్యాంశాలను ప్రభుత్వం ఏర్పాటు చేస్తున్నదని తద్వారా విద్యార్థులు ఉన్నత శిఖరాలకు ఎదుగుతారన్నారు. కనీస అభ్యాసన సామార్థ్యల సాధనయే లక్ష్యంగా ఉపాధ్యాయులు పనిచేయాలని  సూచించారు. డిఆర్పీ జగదీశ్వర్ రెడ్డి మాట్లాడుతూ విద్యార్థుల స్థాయికనుగుణంగా  విద్యా బోధన చేయాలని కోరారు. ఈ కార్యక్రమంలో ఆర్ పి లు సూర్మి రాఘవేందర్,  రమేష్,శంకర్, పవన్,శ్రీనివాస్ రెడ్డి, యం.రాఘవేందర్, నాగరాజు, తిరుపతమ్మ తదితరులు పాల్గొన్నారు.