సనత్ నగర్,(విజయక్రాంతి): తెలంగాణ హ్యాండిక్రాఫ్ట్స్ డెవలప్‌మెంట్ కార్పొరేషన్ లిమిటెడ్ ఛైర్మన్  నాయుడు సత్యనారాయణ గౌడ్ జన్మదిన వేడుకలు ఆయన కార్యాలయంలో  అత్యంత హర్షాతిరేకాలతో, శుభకాంక్షల మధ్య ఘనంగా నిర్వహించబడ్డాయి. ఈ కార్యక్రమానికి ఇండియన్ నేషనల్ కాంగ్రెస్ పార్టీకి చెందిన పలువురు నాయకులు, కార్యకర్తలు, అభిమానులు భారీగా హాజరయ్యారు. ఐల మధు గౌడ్ (డీసీసీ జనరల్ సెక్రటరీ – సికింద్రాబాద్)  కోతింటి కిషోర్ నరేందర్, సోను,   పాల్గొని ఛైర్మన్ జన్మదిన శుభాకాంక్షలు తెలిపారు. కార్యక్రమంలో భాగంగా పెద్ద కేక్ కట్ చేయడం జరిగింది.

అనంతరం ఛైర్మన్ ని శాలువాతో ఘనంగా సన్మానించి, పుష్పహారాలు అలంకరించి గౌరవించారు. ఈ సందర్భంగా పలువురు నేతలు ఆయన సేవలను కొనియాడుతూ, ఆయన నాయకత్వంలో హస్తకళల అభివృద్ధికి వచ్చిన మార్పుల్ని ప్రశంసించారు.ఛైర్మన్ కార్యక్రమానికి హాజరైన ప్రతి ఒక్కరికి హృదయపూర్వక కృతజ్ఞతలు తెలియజేస్తూ, హస్తకళాకారుల అభ్యున్నతికి తాను కట్టుబడి ఉన్నట్టు తెలిపారు. తన పుట్టినరోజు సందర్భంగా ఈ స్థాయిలో అభిమానాన్ని చూపిన ప్రతి ఒక్కరికి ధన్యవాదాలు తెలిపారు.ఈ వేడుక అంతటా ఆనందోత్సాహాలతో, అభిమానం, గౌరవంతో నిండిన వాతావరణంలో ముగిసింది.