1. సౌతాఫ్రికాతో తొలి వన్డే  
   

తుది జట్టులో పంత్ డౌటే

నాలుగో స్థానంలో తిలక్ వర్మ 

రుతురాజ్‌కు నిరాశే

రాంచి, నవంబర్ 28: టెస్ట్ సిరీస్‌లో ఘోరపరాజయం పాలైన టీమిండియా ఇప్పుడు వన్డే సిరీస్‌కు రెడీ అవుతోంది. మూ డు వన్డేల సిరీస్ లో భాగంగా తొలి మ్యాచ్ ఆదివారం రాంఛీ వేదికగా జరుగుతుంది. ఇప్పటికే ఇరు జట్లు ప్రాక్టీస్ లో బిజీబిజీగా ఉన్నాయి. ప్రస్తుతం వన్డే ఫార్మాట్ మాత్రమే ఆడుతున్న కోహ్లీ, రోహిత్ కూడా నెట్స్ లో తీవ్రంగా శ్రమిస్తున్నారు. ఇదిలా ఉంటే తొలి వన్డేకు భారత తుది జట్టు కూర్పే సవాల్ గా మారింది. కెప్టెన్ గిల్ , వైస్ కెప్టెన్ శ్రేయాస్ అయ్యర్ గాయాలతో దూరమవడంతో కేఎల్ రాహుల్ కు సారథ్య బాధ్యతలు అప్పగించారు.

అలాగే టీ20 ప్రపంచకప్ దగ్గర పడుతుండడంతో బుమ్రా, సిరాజ్ లకు రెస్ట్ ఇచ్చారు. ఫిట్ నెస్ సాధించకపోవడంతో పాండ్యాను కూడా ఎంపిక చేయలేదు. అయి తే రవీంద్ర జడేజా రీఎంట్రీ ఇవ్వగా.. తిలక్ వర్మకు వన్డే జట్టులో చోటు దక్కింది. రుతురాజ్ గైక్వాడ్ ను కూడా సెలక్టర్లు ఎంపిక చేశారు. ఈ నేపథ్యంలో జట్టు కాంబినేషన్‌పై గంభీర్ సతమతమవుతున్నాడు. గిల్ లేకపోవడంతో రోహిత్ శర్మతో కలిసి జైశ్వాల్ ఇన్నింగ్స్ ఆరంభించనున్నాడు. ఆసీస్ టూర్ లో హిట్ మ్యాన్ ఫామ్‌లోకి వచ్చాడు. చివరి వన్డేలో విధ్వంసకర శతకంతో ఆకట్టుకున్నాడు. 

2027 వన్డే ప్రపంచకప్‌లో ఆడాలని టార్గెట్ పెట్టుకున్న రోహి త్ సౌతాఫ్రికాపైనా చెలరేగితే తిరుగుండదు. మూ డో స్థానంలో ఎప్పటిలానే విరాట్ కోహ్లీ బ్యాటింగ్‌కు దిగుతా డు. ఆసీస్‌పై తొలి రెండు వన్డేల్లో డకౌటైన కోహ్లీ చివరి వన్డే లో మాత్రం ఫామ్ అందుకున్నాడు. ఇప్పుడు హోం కండీషన్స్‌లో పరుగుల వరద పారిం చాలని ఫ్యాన్స్ కోరుకుంటున్నారు. అయితే నాలుగో స్థానం లో ఎవరు ఆడతారనే దానిపై ఉత్కంఠ నెలకొంది. ఎందుకంటే వన్డే జట్టుకు ఎంపికైన తిలక్ వర్మ నుంచి రిషబ్ పంత్ కు గట్టిపోటీ ఎదురవుతోంది. తిలక్ వర్మ ను నాలుగో స్థానం లో దింపితే రాహుల్ ఐదో స్థానంలో ఆడాల్సి ఉంటుంది.

నిజానికి గత కొంతకాలంగా రాహుల్ ఏ స్థానంలో ఆడమన్నా జట్టు కోసం బాధ్యతలు తీసుకుంటూ రాణిస్తున్నాడు. దీంతో రాహు ల్ వైపు నుంచి ఎటువంటి ఇబ్బందీ ఉండదు. అయితే తానే వికెట్ కీపింగ్ చేయనుండడంతో పంత్ కు తుది జట్టులో చోటు దక్కడం అనుమానంగానే కనిపిస్తోంది. ఇద్దరు వికెట్ కీపర్లు వద్దనుకుంటే మాత్రం ఖచ్చితంగా నాలుగో ప్లేస్‌లో తిలక్ వర్మ దిగడం ఖాయం. ఇక స్పిన్ ఆల్ రౌండర్ కోటాలో రవీంద్ర జడేజా, వాషింగ్టన్ సుందర్ లకు చోటు దక్కనుంది. అటు పేస్ ఆల్ రౌండర్ గా నితీశ్ కుమార్ రెడ్డి ఆడనున్నాడు.

స్పెషలిస్ట్ స్పిన్నర్‌గా ఫామ్ లో ఉన్న కుల్దీప్ యాదవ్ కు ప్లేస్ ఖాయమని చెప్పొచ్చు. మరోవైపు బుమ్రా, సిరాజ్ లేకపోవడంతో పేస్ ఎటాక్ ను అర్షదీప్ సింగ్ , హర్షిత్ రాణా నడిపిస్తారు. దీంతో ప్రసిద్ధ కృష్ణ, ధృవ్ జురెల్ తో పాటు రుతురాజ్ గైక్వాడ్ బెంచ్ కే పరిమితయ్యే అవకాశాలున్నాయి. నిజానికి రుతురాజ్ దేశవాళీ క్రికెట్ లో మంచి ఫామ్ లో ఉండడంతోనే ఎంపిక చేశారు. అయితే తుది జట్టు కాంబినేషన్ ను చూస్తే మాత్రం అతనికి చోటు దక్కడం కష్టంగానే ఉంది. ఒకవేళ తర్వాతి మ్యాచ్‌లో ఏదైనా అవకాశమి స్తారేమో చూడాలి.

తొలి వన్డేకు భారత తుది జట్టు (అంచనా) రోహిత్ శర్మ, జైశ్వాల్, కోహ్లీ, తిలక్ వర్మ/పంత్, కేఎల్ రాహుల్, నితీశ్‌కుమార్‌రెడ్డి, వాషింగ్టన్ సుందర్, జడేజా, కుల్దీప్ యాదవ్, అర్షదీప్ సింగ్, హర్షిత్ రాణా