30-11-2025 06:54:40 PM
తాండూరు (విజయక్రాంతి): వికారాబాద్ జిల్లా తాండూర్ మండలం అంతారంలో శ్రీ ఆంజనేయ స్వామి విగ్రహ పున ప్రతిష్టాపన ఘనంగా జరిగింది. ఆదివారం గ్రామంలో పునర్నిర్మించిన ఆలయంలో గణపతి హోమం, నవగ్రహాల, నాగదేవత, ధ్వజస్తంభం ప్రతిష్టాపన పూజలు శ్రీ ఆంజనేయ స్వామి విగ్రహం ఆలయ గోపురంపై శిఖరం వేద పండితుల మంత్రోచ్ఛారణల మధ్య భక్తి శ్రద్ధలతో జలాధివాసం ధాన్యాధివాసం శాస్త్రోత్తంగా గత మూడు రోజుల నుండి ప్రత్యేక పూజలు నిర్వహించారు. మహిళలు, యువకులు, గ్రామ పెద్దలు, భక్తులు పూజల్లో పాల్గొన్నారు.
అనంతరం దేవత మూర్తులను వేద పండితుల సమక్షంలో ప్రతిష్టాపన చేశారు. పూజలకు విచ్చేసిన భక్తులకు ఆలయ నిర్వాహకులు భారీ ఎత్తున అన్నదాన కార్యక్రమం నిర్వహించారు. ఈ కార్యక్రమానికి తాండూరు ఎమ్మెల్యే మనోహర్ రెడ్డి ఉమ్మడి జిల్లా డిసిసిబి వైస్ చైర్మన్ ఎస్ రవీందర్ గౌడ్ సీనియర్ కాంగ్రెస్ నాయకులు బివిజి ఫౌండేషన్ వ్యవస్థాపకులు డాక్టర్ సంపత్ కుమార్ తాండూర్ మాజీ జెడ్పిటిసి గౌడి మంజుల వెంకటేశం మాజీ ఎంపీటీసీ శాంత కుమార్ తదితరులు పాల్గొన్నారు.