తేజ సజ్జా హీరోగా నటిస్తున్న పాన్-ఇండియా చిత్రం ‘మిరాయ్’. ఈ చిత్రానికి కార్తీక్ ఘట్టమనేని దర్శకత్వం వహించారు. మనోజ్ మంచు పవర్‌ఫుల్ పాత్ర పోషించారు. పీపుల్ మీడియా ఫ్యాక్టరీ బ్యానర్‌పై టీజీ విశ్వప్రసాద్, కృతి ప్రసాద్ భారీ స్థాయిలో నిర్మించారు. సెప్టెంబర్ 12న ఈ సినిమా రిలీజ్ కాబోతుంది. 

ఈ సందర్భంగా డైరెక్టర్ కార్తీక్ ఘట్టమనేని విలేకరులు సమావేశంలో సినిమా విశేషాలు పంచుకున్నారు.

* ఏడేళ్ల క్రితమే ఈ ‘మిరాయ్’ స్టోరీ ఐడియా పుట్టింది. ఈ ఆలోచనకు ఇతిహాసాలను ఎలా ముడి పెట్టొచ్చనే ప్రాసెస్‌కు చాలా టైమ్ పట్టింది. -చిన్నప్పటి నుంచి పురాణా, ఇతిహాసాలను గురించి విన్న కథలు, పాషనేటింగ్ ఎలిమెంట్స్‌తో మిరాయ్‌ను డెవలప్ చేశాను. ఇది మన రూటెడ్ కథలా ఉంటుంది. -అశోకుని వద్ద తొమ్మిది గ్రంథాలు ఉన్నాయానే ఒక మిత్ ఉంది.

ఆ తొమ్మిది పుస్తకాలు దుష్టుల బారిన పడితే, వాటిని మన ఇతిహాసాల ఆధారంగా ఎలా కాపాడవచ్చనేదే ‘మిరాయ్’ ఐడియా. ఏదైనా సమస్య వచ్చినప్పుడు దానికి పరిష్కారం ఇతిహాసాలు, పురాణాల్లో ఉందనే నమ్మకంతో చేసిన కథ. ఈ కథను యాక్షన్ అడ్వంచర్‌గా ట్రీట్ చేశాం. ఇది కంప్లీట్‌గా ఫిక్షనల్. ఈ కథ దాదాపు ప్రజెంట్‌లోనే జరుగుతుంది.

* మొదలుపెట్టినప్పుడు లక్ష్యం పెద్దదని తెలుసు. ఈ సినిమా చేసిన ప్రాసస్ డిఫరెంట్. నటీనటులందరినీ రియల్ లోకేషన్స్‌లోకి తీసుకెళ్లాం. శ్రీలంక, నేపాల్, రాజస్తాన్, బుర్జు, థాయిలాండ్.. మొత్తం ఆసియా అంతా తిరిగేశాం. మంచు పర్వతాలు, ఎడారులు, అడవుల్లో.. అన్నిట్లో రియల్‌గా చేశాం. మొత్తం షూటింగ్‌లో ఒక్క సీనియర్ యాక్టర్‌కు కూడా కార్వాన్ లేదు. వారి సపోర్ట్ వల్ల ఈ సినిమాకు అంత అద్భుతంగా కుదిరింది. 

* ఇందులో ఆరేడు యాక్షన్ సీక్వెన్సులుంటాయి. ఇందులో ఫాస్ట్ యాక్షన్‌ను ట్రై చేశాం. తేజ ఈ సినిమా కోసం థాయిలాండ్‌లో ప్రత్యేకం శిక్షణ తీసుకున్నారు. చాలా హార్డ్ వర్క్ చేశారు.  -పాజిటివ్ సైడ్ ఉంటూ నేచురల్ అగ్రేషన్ ఉన్న ఒక యాక్టర్ కావాలి. మనోజ్ కరెక్ట్‌గా ఈ క్యారెక్టర్‌కు ఫిట్ అవుతారు. మనోజ్‌కు మార్షల్ ఆర్ట్స్‌లో కూడా అనుభవం ఉంది. అది మాకు హెల్ప్ అయ్యింది.

* వనరబుల్‌గా ఉంటూ అదే సమయం లో స్ట్రెంత్‌గా కూడా కనిపించే ఒక పాత్ర కావాలి. ఆలాంటి పాత్రకు శ్రియా పర్ఫెక్ట్‌గా ఫిట్ అవుతారనిపించి చేశాం. తల్లీకొడుకుల ఎమోషన్ ఈ సినిమాకు చాలా కీలకం. శ్రియా అద్భుతంగా చేశారు. అలాగే -జయరాం అగస్త్య మునిగా, జగపతిబాబు తాంత్రిక గురువు పాత్రలో కనిపిస్తారు. ఈ రెండు పాత్రలు కీలకంగా ఉంటాయి. 

* మా నిర్మాణ సంస్థ పీపుల్ మీడియానే వీఎఫ్‌ఎక్స్ వర్క్ కూడా చేయడంతో మాకు చాలా హెల్ప్ అయ్యింది. ఈ సినిమా కావాల్సినంత సమయం, మనీ.. రెండూ ఖర్చు చేశాం. అవుట్ పుట్ అద్భుతంగా వచ్చింది. -బడ్జెట్ మేము అనుకున్న దానికంటే కొంచెం క్రాస్ అయ్యింది. నిర్మాత విశ్వప్రసాద్ మా విజన్ పూర్తిగా సపోర్ట్ ఇచ్చారు. ఫస్ట్ కాపీ చూసి ఆయన చాలా హ్యాపీగా ఫీలయ్యారు. 

* జటాయు సోదరుడు సంపాతి పక్షి పాత్రను స్ఫూర్తిగా తీసుకొని ఒక సీక్వెన్స్ చేశాం. అది చాలా సర్‌ప్రైజ్‌గా ఉంటుంది. దీనికోసం యానిమేట్రానిక్ టెక్నాలజీ ఉపయోగించాం. 

* మేము అనుకున్న దానికంటే బెటర్‌గా వచ్చిందని ఫీలింగ్ కలిగింది. ఇందులో ఒక ట్రైన్ సీక్వెన్స్ ఉంటుంది. అది పేపర్ మీద చూసుకున్నప్పుడు నిజంగా ఎలా అవుతుందా అనిపించింది. శ్రీలంకలో షూట్ చేశాం. చాలా అద్భుతంగా వచ్చింది. ఆడియన్స్ అందరూ సర్ర్పైజ్ అవుతారు. ఈ సినిమాని యూనివర్స్ ముందుకు తీసుకెళ్లింది. అందుకే ట్రైలర్‌లో ‘ది పవర్ ఆఫ్ బ్రహ్మాండ’ అని పెట్టాం. -సీక్వెల్ చేసే పొటెన్షియల్ ఈ కథకు ఉంది. అయితే, ఈ సినిమాకు వచ్చే రిజల్ట్‌ను బట్టి అలోచించాలి.