కిరణ్ అబ్బవరం హీరోగా నటిస్తున్న కొత్త సినిమా ‘కే -ర్యాంప్’. హాస్య మూవీస్, రుద్రాంశ్ సెల్యులాయిడ్ బ్యానర్లపై రాజేశ్ దండ, శివ బొమ్మకు నిర్మిస్తున్న ఈ చిత్రానికి జైన్స్ నాని దర్శకత్వం వహిస్తున్నారు. యుక్తి తరేజా కథానాయికగా నటిస్తున్న ఈ చిత్రంలో నరేశ్ వీకే, సాయికుమార్, వెన్నెల కిషోర్ ముఖ్యపాత్రల్లో కనిపించనున్నారు. ఈ సినిమా దీపావళి సందర్భంగా ఈ నెల 18న థియేట్రికల్ రిలీజ్‌కు రాబోతోంది. ఈ నేపథ్యంలో మంగళవారం ఈ సినిమా నుంచి థర్డ్ సింగిల్ ‘టిక్కల్ టిక్కల్..’ను విడుదల చేశారు. 

చేతన్ భరద్వాజ్ కంపోజ్ చేసిన ఈ పాటకు సురేంద్ర కృష్ణ లిరిక్స్ రాయగా, సాయిచరణ్ భాస్కరుని పాడారు. ‘టిక్కల్ టిక్కల్.. ఢమాల్ ఢమాల్.. కలిసివచ్చే కాలం ముందు నువ్వు సూపర్ రా.. టైమ్ కాస్త బ్యాడ్ అయితే కే ర్యాంప్ రా.. ఫ్లవర్ లాంటి లవర్ ఉంటే లైఫ్ సూపర్ రా.. ఫ్లవర్ కాస్త ఫైర్ అయితే కే ర్యాంప్ రా.. ఒక్క పెగ్ కిక్కు ఇస్తే నువ్వు సూపర్ రా.. ఫుల్ కొట్టినా పిచ్చి పడితే కే ర్యాంప్ రా..’ అంటూ లవర్, లైఫ్ మధ్య హీరో ఎలా నలిగిపోయాడో చూపిస్తూ ఆకట్టుకునేలా సాగుతుందీ గీతం. 

ఈ చిత్రానికి సంగీతం: చేతన్ భరద్వాజ్; డీవోపీ: సతీశ్ రెడ్డి మాసం; యాక్షన్: పృథ్వీ; ఎడిటర్: ఛోటా కే ప్రసాద్; ప్రొడక్షన్ డిజైన్: బ్రహ్మ కడలి; సహ నిర్మాత: బాలాజీ గుట్ట; నిర్మాతలు: రాజేశ్, దండా, -శివ బొమ్మకు; రచన, దర్శకత్వం: జైన్స్ నాని.