బెజ్జూర్,(విజయక్రాంతి): బెజ్జూర్ మండలంలోని ఇందుర్గాం ఉపాధ్యాయుడు కూచయ్య పదవి విరమణ సందర్భంగా తోటి ఉపాధ్యాయులతో కలిసి మండల విద్యాధికారి డాక్టర్ సునీత ఆధ్వర్యంలో ఘనంగా సన్మానించారు. ప్రభుత్వ ఉద్యోగికి పదవి విరమణ సహజమని అంకితభావంతో పనిచేస్తే గుర్తింపు లభిస్తుందని మండల విద్యాధికారి సునీత అన్నారు.

ఉపాధ్యాయుడి అనుభవాలను, సమాజ సేవ గురించి పలు విషయాలను తెలిపారు. మారుమూల గ్రామమైనప్పటికీ గ్రామంలో విద్యార్థుల తల్లిదండ్రులు చూపే ప్రేమానురాగం ఎంతగానో నచ్చిందని ఆ గ్రామంలో పనిచేయడం నా అదృష్టమని ఉపాధ్యాయుడు కుచ్చయ్య తెలిపారు. పదవి విరమణ పొందిన ఉపాధ్యాయుడి దంపతులను సన్మానించి శుభాకాంక్షలు తెలిపారు. ఈ కార్యక్రమంలో ఉపాధ్యాయులు, విద్యార్థులు పాల్గొన్నారు.