ఏసీబీ వలలో భద్రాచలం అటవీశాఖ అధికారులు

హైదరాబాద్: ఏసీబీ వలలో ఇద్దరు అవినీతి అటవీ శాఖ అధికారులు చిక్కారు. గురువారం నాడు ఒక ఫిర్యాదుదారుడి నుండి రూ. 3.5 లక్షల లంచం స్వీకరిస్తుండగా, భద్రాద్రి కొత్తగూడెం జిల్లాలోకు చెందిన అటవీ అభివృద్ధి అధికారిణి ఎస్. సుజాతను, చెర్ల ఇన్‌చార్జి డిప్యూటీ రేంజ్ అధికారి కృష్ణయ్యను అవినీతి నిరోధక శాఖ (ACB) అధికారులు రెడ్ హ్యాండెడ్‌గా పట్టుకున్నారు. చెర్లలో రహదారి నిర్మాణం చేపడుతుండగా, ప్రమాదవశాత్తు చెట్లు కూలిపోయినందుకు గాను ఒక రహదారి కాంట్రాక్టరుపై కేసు నమోదు చేయకుండా ఉండేందుకు, నిందితులైన అటవీ అధికారులు రూ. 10 లక్షలు డిమాండ్ చేశారని ACB DSP వై. రమేష్ తెలిపారు. ఫిర్యాదుదారు నుండి ఫిర్యాదు అందిన వెంటనే, ఏసీబీ అధికారులు ఒక ఉచ్చు పన్ని, లంచం స్వీకరిస్తుండగా ఆ ఇద్దరు అధికారులను పట్టుకున్నారు. రసాయన పరీక్షలో డిప్యూటీ రేంజ్ అధికారి చేతులు పాజిటివ్‌గా తేలాయి.