-రికార్డుల వేటలో తగ్గేదే లే

-చరిత్ర సృష్టించిన కోహ్లీ

ఇప్పటి వరకూ ఒక లెక్క.. ఇప్పటి నుంచీ మరో లెక్క... ప్రస్తుతం విరాట్ కోహ్లీ బ్యాటిం గ్ చూస్తే ఫ్యాన్స్‌కు ఇదే అనిపిస్తోంది. గత ఏడాది టీ20లకు గుడ్ బై...ఈ ఏడాది హఠాత్తుగా టెస్ట్ ఫార్మాట్‌కు వీడ్కోలు.. ఇంకే ముంది రిటైర్మెంట్‌కు దగ్గర పడ్డాడు.. వన్డే ప్రపంచకప్ ఆడడం కష్టమే.. అప్పుడప్పుడూ సిరీస్‌లు ఆడుతూ  మరో రెండేళ్లు ఫామ్ కాపాడుకోవడం కష్టమే అంటూ కామెం ట్లు..వారి వ్యాఖ్యలకు తగ్గట్టే ఆసీస్ టూర్‌లో తొలి రెండు వన్డేల్లో డకౌట్లు.. అయితే మూడో వన్డేలో హాఫ్ సెంచరీ చేసి టచ్‌లోకి వచ్చాడు.

కట్ చేస్తే మళ్లీ నెలన్నర బ్రేక్. ఇప్పుడు సౌతాఫ్రికాతో వన్డే సిరీస్‌తో కింగ్ కోహ్లీ జట్టులోకి రీ ఎంట్రీ ఇచ్చాడు. వచ్చీ రావడంతోనే శతకం బాదేశాడు. అది కూడా పలు రికార్డుల మోత మోగిస్తూ సెంచరీ సాధించాడు. ఒక్క ఇన్నింగ్స్ ఎన్నో రికార్డులు సొంతం అన్నట్టు కోహ్లీ అరుదైన మైలురాళ్లను అందుకున్నాడు. అసలు తాను బరిలోకి దిగితే రికార్డుల వేట ఆగదు.. ఆగబోదు అంటూ బ్యాట్‌తోనే చాటి చెప్పాడు. రాంఛీ వేదికగా జరిగిన తొలి వన్డేలో విరాటపర్వం మామూలుగా సాగలేదు. వింటేజ్ విరాట్ ఈజ్ బ్యాక్ అంటూ ఫ్యాన్స్ అరుపులతో స్టేడియం దద్దరిల్లిపోయింది.

ఏదో వచ్చామా కొట్టామా వెళ్లామా అన్నట్టు కాకుండా తన ట్రేడ్ మార్క్ షాట్లతో కింగ్ ఆడిన బ్యాటింగ్‌కు అందరూ ఫిదా అయ్యారు. నిజానికి ఇలాంటి ఇన్నింగ్స్‌లు కోహ్లీ తన కెరీర్‌లో ఎన్నోసార్లు ఆడాడు. అయితే ప్రస్తుత పరిస్థితుల్లో విరాట్ ఆడిన ఇన్నింగ్స్‌కు సలాం కొట్టాల్సిందే. క్లాసిక్ బ్యాటింగ్‌తో, చూడముచ్చటైన షాట్లే కాదు భారీ సిక్సర్లు సైతం బాదే శాడు. ఒక్క మాటలో చెప్పాలంటే ఫ్యాన్స్‌కు ఫుల్ మీల్స్ అందించాడు. ఈ క్రమంలో కోహ్లీ సచిన్ రికార్డును సైతం బద్దలు కొట్టా డు. తాజా మ్యాచ్‌లో 103 బంతుల్లో సెంచరీ చేసిన విరాట్ వన్డేల్లో అత్యధిక శతకాలు సాధించిన క్రికెటర్‌గా చరిత్ర సృష్టించాడు. ఇప్పటి వరకూ సచిన్ 51 సెంచరీలతో ఉండ గా.. కోహ్లీ ఆ రికార్డును బ్రేక్ చేశాడు.

అలాగే ఏ ఫార్మాట్ లోనూ 52 శతకాలు ఎవ్వరూ చేయలేదు. అటు సౌతాఫ్రికాపై అత్యధిక సెంచరీలు చేసిన భారత క్రికెటర్ గానూ ఘనత సాధించాడు. సఫారీలపై కోహ్లీ చేసిన సెంచరీలు ఇప్పుడు 6కు చేరింది.  అలాగే భారత్, సౌతాఫ్రికా మధ్య జరిగిన సిరీస్ లో అత్యధిక రన్స్ చేసిన ఘనత కూడా ఇప్పుడు కోహ్లీకే దక్కింది. ఇప్పటి వరకూ కల్లిస్ పేరిట ఉన్న ఈ రికార్డును ఇప్పుడు విరాట్ బ్రేక్ చేశాడు. కాగా ఈ మ్యాచ్ లో కోహ్లీ 103 బం తుల్లో సెంచరీ పూర్తి చేసుకున్నాడు.

అంతర్జాతీయ క్రికెట్ లో రన్ మెషీన్ కు ఇది 83వ సెంచరీ. 2027 ప్రపంచకప్ ఆడడమే టార్గె ట్ పెట్టుకున్న కోహ్లీ ఇప్పుడు ఫుల్ టచ్ లోకి వచ్చేశాడు. ఫిట్‌నెస్ పరంగా కోహ్లీకి అస్సలు పేరు పెట్టలేం. ఇప్పుడు ఫామ్‌లోకి వచ్చిన కింగ్ దేశవాళీ క్రికెట్ ఆడే ఆలోచనలోనూ ఉన్నాడు. దీంతో 2027 ప్రపంచకప్‌లో విరాట పర్వం చూడడం ఖాయమని అభిమానులు చెబుతున్నారు.