వ్యాట్ ఏ జోడీ

లండన్: ఇంగ్లండ్ స్టార్ క్రికెటర్ డేనియల్ వ్యాట్.. తన ప్రేయసి జార్జి హాడ్జ్‌ను వివాహం చేసుకుంది. గతంలో టీమిండియా స్టార్ క్రికెటర్ విరాట్ కోహ్లీకి ప్రపోజ్ చేసి వార్తల్లోకెక్కిన వ్యాట్.. నిరుడు ప్రేయసితో ఎంగేజ్‌మెంట్ చేసుకొని అందరినీ ఆశ్చర్యపరిచింది. తాజాగా లండన్‌లోని చెల్సియాలో వీరిద్దరూ వివాహ బంధంలోకి అడుగుపెట్టారు. 33 ఏళ్ల వ్యాట్ ఇంగ్లండ్ తరఫున 105 వన్డేలు, 151 టీ20 మ్యాచ్‌లు ఆడగా.. జార్జి హాడ్జ్ సీఏఏకు చెందిన ఓ మహిళా ఫుట్‌బాల్ జట్టు హెడ్‌గా కొనసాగుతోంది. ఇంగ్లండ్ జట్టులో గతంలో కేథరిన్ బ్రంట్, నటాలియా స్కీవర్ పెళ్లి చేసుకోగా.. ఇప్పుడు వ్యాట్ ఆ జాబితాలో చేరింది. ఇక అంతర్జాతీయ క్రికెట్‌లో ఇలాంటి జోడీలు చాలానే ఉన్నాయి. న్యూజిలాండ్ ప్లేయర్ అమీ సాటర్‌వైట్ దక్షిణాఫ్రికా ప్లేయర్ మరీనే కాప్, నికెర్క్ కూడా వివాహ బంధంతో ఒక్కటయ్యారు.