ఇప్పటికే ఎన్నో సినిమాల్లో కథానాయకుడిగా, ప్రతినాయకుడిగా మెప్పించిన మోహన్‌బాబు మంచు డైలాగ్ కిం గ్‌గా ప్రేక్షకుల హృదయాల్లో నిలిచిపోయారు. ప్రస్తు తం ఆయన తన కొడుకు విష్ణు మంచు టైటిల్ రోల్ పోషిస్తున్న ‘కన్నప్ప’లో ఓ కీలక పాత్ర పోషిస్తూ ఆ సినిమాకు నిర్మాతగానూ వ్యవహ రిస్తున్నారు. ఇదిలా ఉండగా, మోహన్‌బాబు ప్రతినాయకుడిగా మళ్లీ తెరపై సందడి చేయనున్నారనే వార్త సినీవర్గాల్లో వినవస్తోంది.

ఇలా అనూహ్యంగా మోహన్‌బాబు పేరు తెరపైకి రావడానికి కారణం లేకపోలేదు. ‘హనుమాన్’, ‘దసరా’ వంటి చిత్రాలతో పాన్‌ఇండియా స్థాయిలో తనకంటూ ఓ గుర్తింపు తెచ్చుకున్నాడు యంగ్ డైరెక్టర్ శ్రీకాంత్ ఓదెల. ఈ యువ దర్శకుడు ప్రస్తుతం నాని కథానాయకుడిగా ‘ది పారడైజ్’ చిత్రాన్ని తెరకెక్కిస్తున్న సంగతి తెలిసిందే. ఆ తర్వాత చిరంజీవితో ఓ సినిమా చేయాల్సి ఉంది.

ఇదిలా ఉండగా శ్రీకాంత్ ఓదెల ఓ కథ వినిపించడానికి మోహన్‌బాబును ఇటీవల కలిశారు. విలన్ పాత్రలో నటించాలని ఆయన్ను ఒప్పించినట్టు సినీవర్గాల్లో టాక్ నడుస్తోంది. అయితే, మోహన్‌బాబుకు చెప్పిన స్టోరీ ఏది? మోహన్‌బాబు.. మెగాస్టార్‌కు విలన్‌గా కనిపిస్తారా? లేక నానితో ప్రతినాయకుడిగా తలపడనునన్నారా? అనేది ఆసక్తిగా మారింది. ‘బిల్లా రంగా’ చిత్రంలో చిరు, మోహన్‌బాబు పోటాపోటీగా ఫైట్ చేసిన సంగతి తెలిసిందే.

మరిప్పుడు ఈ డైలాగ్ కింగ్ మరోమారు మెగాస్టార్‌తో యాక్షన్ సీన్స్ పండించడానికి సిద్ధమవుతున్నారా? లేక నానికి విలన్‌గా మారనున్నారా? తెలియాలంటే ఇంకొంత కాలం ఆగాల్సిందే. ఏదేమైనా అటు చిరంజీవి, ఇటు నాని.. ఎవరి సినిమాలో అయినా సరే మోహన్‌బాబు విలన్‌గా కనిపిస్తే ఆ క్రేజీయే వేరు కదూ!