కివీస్‌ గడ్డపై జైస్వాల్‌ విధ్వంసం
జైస్వాల్‌ సెంచరీల జోరు.. బుమ్రా, జడేజా రీఎంట్రీతో టీమిండియాకు బూస్ట్‌!
లింకన్‌: న్యూజిలాండ్‌ గడ్డపై భారత యువ ఓపెనర్‌ యశస్వి జైస్వాల్‌(Young Indian opener Yashasvi Jaiswal) అదరగొడుతున్నాడు. ఇటీవల Red-ball Cricketలో ఆశించిన స్థాయిలో రాణించలేక విమర్శలు ఎదుర్కొన్న ఈ ఎడమచేతి వాటం బ్యాటర్‌.. ఇప్పుడు తన బ్యాట్‌తోనే సమాధానం చెబుతున్నాడు. న్యూజిలాండ్‌-ఏతో జరుగుతున్న అనధికారిక మూడో టెస్టులో జైస్వాల్‌ మరో సెంచరీతో మెరిశాడు. 138 బంతుల్లో 102 పరుగులు చేసి జట్టు స్కోరుకు కీలకంగా నిలిచాడు. అంతకుముందు రెండో మ్యాచ్‌ రెండో ఇన్నింగ్స్‌లో అజేయంగా 155 పరుగులు సాధించి తన ఫామ్‌ను తిరిగి అందుకున్నాడు. ఈ మ్యాచ్‌లో 47వ ఓవర్‌లో డాన్రూ ఫెర్న్స్‌ అతడిని పెవిలియన్‌కు పంపాడు. జైస్వాల్‌తో పాటు సాయి సుదర్శన్‌ కూడా మంచి బ్యాటింగ్‌ చేశాడు. హాఫ్‌ సెంచరీ నమోదు చేసి జట్టుకు అండగా నిలిచాడు. అయితే తొలి టెస్ట్‌లో చోటు దక్కించుకోవాలంటే అతడు మరింతగా రాణించాల్సి ఉంది. మరోవైపు ఇటీవల నిలకడగా ఆడుతున్న దేవదత్‌ పడిక్కల్‌ నుంచి అతడికి గట్టి పోటీ ఎదురవుతోంది. నవంబర్‌ 19 నుంచి న్యూజిలాండ్‌తో ప్రారంభం కానున్న రెండు మ్యాచ్‌ల Test Seriesకు ముందు జైస్వాల్‌ ఫామ్‌లోకి రావడం భారత జట్టుకు సానుకూల పరిణామం.
బుమ్రా, జడేజా రీఎంట్రీ..
మూడో అనధికారిక టెస్టులో సీనియర్‌ ఆటగాళ్లు జస్ప్రీత్‌ బుమ్రా, రవీంద్ర జడేజా బరిలోకి దిగడం మరో విశేషం. కొంతకాలం ఆటకు దూరంగా ఉన్న బుమ్రా తిరిగి బౌలింగ్‌ చేయనుండటంతో భారత శిబిరంలో ఉత్సాహం నెలకొంది. జడేజా స్పిన్‌ బాధ్యతలను వాషింగ్టన్‌ సుందర్‌తో పంచుకోనున్నాడు. ప్రసిద్ధ్‌ కృష్ణ కూడా జట్టులోకి తిరిగి వచ్చాడు. వీరితో పాటు ముకేశ్‌ కుమార్‌, ముకేశ్‌ చౌదరి పేస్‌ విభాగంలో ఉన్నారు. కీలక టెస్ట్‌ సిరీస్‌కు ముందు ఈ మ్యాచ్‌ ఆటగాళ్లకు మంచి Practiceగా ఉపయోగపడనుంది.
ఇండియా-ఏ ప్లేయింగ్‌ XI: యశస్వి జైస్వాల్‌, సాయి సుదర్శన్‌, దేవదత్‌ పడిక్కల్‌, ధ్రువ్‌ జురెల్‌ (కెప్టెన్‌/వికెట్‌ కీపర్‌), తిలక్‌ వర్మ, రవీంద్ర జడేజా, వాషింగ్టన్‌ సుందర్‌, ప్రసిద్ధ్‌ కృష్ణ, జస్ప్రీత్‌ బుమ్రా, ముకేశ్‌ కుమార్‌, ముకేశ్‌ చౌదరి.
న్యూజిలాండ్‌-ఏ ప్లేయింగ్‌ XI: రైస్‌ మారియు, కర్టిస్‌ హీఫీ, డీన్‌ ఫాక్స్‌క్రాఫ్ట్‌, మాథ్యూ బాయిల్‌, టిమ్‌ రాబిన్సన్‌, మాక్స్‌ చూ (కెప్టెన్‌/వికెట్‌ కీపర్‌), కామెరూన్‌ పాల్‌, బ్రెట్‌ రాండెల్‌, డాన్రూ ఫెర్న్స్‌, జాక్‌ గిబ్సన్‌, జారోడ్‌ మెకే.
