కొనుగోలుదారులకు షాక్
మారుతీ Suzuki Customersకు బ్యాడ్ న్యూస్!
న్యూఢిల్లీ, నవంబర్ 22: ప్రముఖ కార్ల తయారీ సంస్థ Maruti Suzuki కస్టమర్లకు కీలక సమాచారం అందించింది. పెరుగుతున్న ఖర్చుల ఒత్తిడి (Cost Pressures) నేపథ్యంలో ఎంపిక చేసిన కార్ల మోడళ్ల ధరలను పెంచుతున్నట్లు ప్రకటించింది. ఈ Price Hike నవంబర్ 22, 2026 నుంచి అమల్లోకి వచ్చినట్లు కంపెనీ వెల్లడించింది. కొంతకాలంగా వాహనాల తయారీకి సంబంధించిన ఖర్చులు పెరుగుతుండటంతో మారుతీ సుజుకీపై ఆర్థిక భారం పెరిగింది.
ఈ ప్రభావాన్ని తగ్గించుకునేందుకు కంపెనీ ఇప్పటికే పలు Cost Reduction చర్యలు చేపట్టినప్పటికీ, ఖర్చుల ఒత్తిడి కొనసాగుతోంది. దీంతో పెరిగిన వ్యయంలో కొంత భాగాన్ని కస్టమర్లకు బదిలీ చేయాలని నిర్ణయించింది. అయితే కొనుగోలుదారులపై భారం ఎక్కువగా పడకుండా పరిమిత స్థాయిలోనే ధరల పెంపు ప్రభావం ఉండేలా ప్రయత్నిస్తున్నట్లు కంపెనీ తెలిపింది. Stock Exchange Filing ద్వారా ఈ నిర్ణయాన్ని అధికారికంగా ప్రకటించింది. ప్రస్తుతం ఎంపిక చేసిన మోడళ్ల ధరలనే పెంచుతున్నట్లు స్పష్టం చేసిన మారుతీ.. ఏయే కార్లపై ఎంతమేర ధరలు పెరిగాయనే వివరాలను ఈ ప్రకటనలో వెల్లడించలేదు.