గాంధీ ఆస్పత్రిలో జాబ్స్

22-11-2026 | 07:52am

హైదరాబాద్‌లో ఉద్యోగాల జాతర.. గాంధీ ఆస్పత్రిలో 11 పోస్టులకు నోటిఫికేషన్!

హైదరాబాద్‌లో ప్రభుత్వ ఉద్యోగాల కోసం ఎదురుచూస్తున్న నిరుద్యోగులకు గుడ్ న్యూస్. సికింద్రాబాద్‌లోని గాంధీ మెడికల్ కాలేజీ (Gandhi Medical College)లో పలు విభాగాల్లో ఖాళీల భర్తీకి అధికారులు దరఖాస్తులు ఆహ్వానిస్తున్నారు. Research Scientist, Lab Technician, Lab Assistant, Data Entry Operator వంటి పోస్టులను Contract Basisపై భర్తీ చేయనున్నారు. మొత్తం రెండు విభాగాల్లో కలిపి 11 పోస్టులు అందుబాటులో ఉన్నాయి. అర్హత ఉన్న అభ్యర్థులు ఈ అవకాశాన్ని సద్వినియోగం చేసుకోవాలని అధికారులు సూచిస్తున్నారు.

MRU విభాగంలో 5 పోస్టులు

గాంధీ మెడికల్ కాలేజీలోని Multidisciplinary Research Unit (MRU) ద్వారా ఐదు పోస్టుల భర్తీకి Applications కోరుతున్నారు. ఇండియన్ కౌన్సిల్ ఆఫ్ మెడికల్ రీసెర్చ్ (ICMR), డిపార్ట్‌మెంట్ ఆఫ్ హెల్త్ రీసెర్చ్ (DHR) సంయుక్త ఆధ్వర్యంలో ఈ నియామకాలు చేపడుతున్నారు. ఈ విభాగంలో Research Scientist-2 (Scientist-C), Research Scientist-1 (Scientist-B), Lab Assistant లేదా Data Entry Operator పోస్టులకు ఒక్కో ఖాళీ ఉంది. Lab Technician పోస్టులకు రెండు ఖాళీలు ఉన్నాయి. మొత్తం ఐదు పోస్టులను Contract Basisపై భర్తీ చేయనున్నారు.

ముఖ్యమైన తేదీలు:

- దరఖాస్తుల సమర్పణకు చివరి తేదీ: నవంబర్ 26, సాయంత్రం 5 గంటలు.

- Walk-in Interview: డిసెంబర్ 2.

VRDL విభాగంలో 6 ఖాళీలు

మరోవైపు State Level Viral Research and Diagnostic Laboratory (VRDL)లో కూడా ఉద్యోగాల భర్తీకి నోటిఫికేషన్ విడుదలైంది. ఈ విభాగంలో Research Scientist (Medical), Research Scientist (Non-Medical), Data Entry Operator, Multi Tasking Staff పోస్టులకు ఒక్కో ఖాళీ ఉండగా.. Laboratory Technician పోస్టులకు రెండు ఖాళీలు ఉన్నాయి. మొత్తం ఆరు పోస్టులను భర్తీ చేయనున్నారు.

ముఖ్యమైన తేదీలు:

- దరఖాస్తుల సమర్పణకు చివరి తేదీ: నవంబర్ 26, సాయంత్రం 5 గంటలు.

- Walk-in Interview: డిసెంబర్ 1.

అప్లికేషన్ ఎలా చేయాలి?

ఈ ఉద్యోగాలకు దరఖాస్తు చేసుకోవాలనుకునే అభ్యర్థులు గాంధీ మెడికల్ కాలేజీలో అందుబాటులో ఉన్న Application Formsను తీసుకుని, అవసరమైన వివరాలు పూర్తి చేయాలి. నిర్ణీత గడువులోగా దరఖాస్తులను కాలేజీలో సమర్పించాలి. అనంతరం ప్రకటించిన తేదీల్లో Walk-in Interviewకు హాజరుకావాలి. మరిన్ని వివరాలు, పోస్టుల అర్హతలు, విద్యార్హతలు, ఇతర నిబంధనల కోసం గాంధీ మెడికల్ కాలేజీ అధికారిక Websiteను సందర్శించవచ్చు.

అధికారిక వెబ్‌సైట్: https://gmcsecunderabad.org/ .


మరిన్ని వార్తలు