నవలా చక్రవర్తి ‘ముదిగొండ’ కన్నుమూత

హైదరాబాద్, అక్టోబర్ 8 (విజయక్రాంతి): ప్రముఖ చారిత్రక నవలా రచయిత, జ్యేష్ఠ కార్యకర్త ముదిగొండ శివప్రసాద్(Mudigonda Sivaprasad)(82) గురువారం రాత్రి 8.45 గంటలకు గుండెపోటుతో హైదరాబాద్‌లోని ఓ ఆసుపత్రిలో కన్నుమూశారు. శివప్రసాద్ తన రచనల ద్వారా తెలుగు పాఠకులపై చెరగని ముద్ర వేశారు. వసంత గౌతమి & నాగానీక, శ్రావణి, అవాహన & చంద్రకళ, నాగపూర్ణిమ తదితర రచనలు ఆయన సాహిత్య ప్రతిభకు నిదర్శనంగా నిలిచాయి. సాహిత్యంతో పాటు సామాజిక, రాజకీయ రంగాల్లోనూ ఆయన తనదైన ముద్ర వేశారు.

ఆయనను అభిమానులు ‘చారిత్రక నవలా చక్రవర్తి’గా పిలుచుకునేవారు. శివప్రసాద్ మృతితో తెలుగు సాహితీ లోకం ఓ విశిష్ట రచయితను కోల్పోయింది. ఆయన ఆత్మకు శాంతి చేకూరాలని పలువురు సాహితీవేత్తలు, అభిమానులు సంతాపం వ్యక్తంచేశారు. అంత్యక్రియలు శుక్రవారం ఉదయం 11 గంటలకు హైదరాబాద్ శివం రోడ్డులోని ఆయన నివాసం వద్ద జరుగుతాయని కుమారుడు ముదిగొండ ఇందుశేఖర్ (9908221589) తెలిపారు.