చార్మింగ్ స్టార్ శర్వా పర్ఫెక్ట్ సంక్రాంతి ఎంటర్టైనర్ నారి నారి నడుమ మురారితో అలరించబోతున్నారు. జనవరి 14న థియేట్రికల్ రిలీజ్ కానుంది. సామజవరగమన ఫేమ్ కామెడీ మాస్ట్రో రామ్ అబ్బరాజు దర్శకత్వం వహించిన ఈ చిత్రం టీజర్, మొదటి రెండు పాటల ద్వారా భారీ అంచనాలను పెంచింది. అడ్వెంచర్స్ ఇంటర్నేషనల్ ప్రైవేట్ లిమిటెడ్ సహకారంతో ఏకే ఎంటర్టైన్మెంట్స్ బ్యాన్ప రామబ్రహ్మం సుంకర నిర్మించిన ఈ చిత్ర ట్రైలర్ ఆదివారం విడుదలైంది. ట్రైలర్‌లో గౌతమ్ (శర్వా) బి-టెక్ ఆర్కిటెక్ట్, తన గర్ల్ ఫ్రెండ్ (సాక్షి వైద్య)తో సాఫీగా సాగుతున్న అతడి జీవితం, ఒక్కసారిగా అతడి ఎక్స్ గర్ల్ ఫ్రెండ్ (సంయుక్త) తిరిగి జీవితంలోకి రావడంతో గందరగోళంగా మారుతుంది.

అక్కడి నుంచి మొదలయ్యే హిలేరియస్ పరిస్థితులు, గౌతమ్ పాస్ట్ అండ్ ప్రజెంట్ మధ్య నలిగిపోవడం ప్రేక్షకులకి నవ్వులు పంచాయి. సాక్షి వైద్య తన స్క్రీన్ ప్రెజెన్స్‌తో ఆకట్టుకుంటే, సంయుక్త కథకు మరింత స్పుసై యాడ్ చేసింది. శర్వానంద్ తండ్రిగా నరేశ్ మరోసారి తన ప్రత్యేకమైన కామెడీ టైమింగ్‌తో ఆకట్టుకున్నారు సత్య, సునీల్, సుదర్శన్, సంపత్ రాజ్‌ల కామెడీ నవ్వుల వర్షం కురిపిస్తుంది. దర్శకుడు రామ్ అబ్బరాజు క్లిన్ అండ్ ఎంగేజింగ్ కామెడీని అద్భుతంగా తెరపైకి తీసుకొచ్చారు. విశాల్ చంద్రశేఖర్ సంగీతం కథకు ఎనర్జీ నింపుతుంది. భాను బొగవరపు కథ, నందు సవిరిగాన డైలాగ్స్ ఆకట్టుకున్నాయి. ఆర్ట్ డైరెక్షన్ బ్రహ్మ కడలి.