షబ్నమ్‌కు పిలుపు

టీమిండియాలో మరో తెలుగమ్మాయి

ముంబై: తెలుగు మహిళా క్రికెటర్ షబ్నమ్ షకీల్‌కు భారత జాతీయ జట్టు నుంచి పిలుపు వచ్చింది. ప్రస్తుతం దక్షిణాఫ్రికాతో జరుగుతున్న సిరీస్‌కు షబ్నమ్‌ను ఎంపిక చేస్తూ బీసీసీఐ గురువారం నిర్ణయం తీసుకుంది. విశాఖపట్నంకు చెందిన 17 ఏళ్ల షబ్నమ్‌కు మూడు ఫార్మట్లలోనూ జట్టులో చోటు కల్పించినట్లు తెలిపింది. కాగా చివరి వన్డేతో పాటు టెస్టు, టీ20 సిరీస్‌కు బీసీసీఐ జట్టును మరోసారి ప్రకటించింది. కాగా మరో తెలుగు క్రికెటర్ అరుంధతీ రెడ్డి బుధవారం దక్షిణాఫ్రికాతో జరిగిన రెండో వన్డే ద్వారా అంతర్జాతీయ వన్డే అరంగేట్రం చేసిన సంగతి తెలిసిందే.