మ్యాక్స్‌వెల్‌కు షాక్

సెంట్రల్ కాంట్రాక్ట్ నుంచి ఔట్

మెల్‌బోర్న్, ఏప్రిల్ 1: స్టార్ ఆల్‌రౌండర్ గ్లెన్ మ్యాక్స్‌వెల్‌కు క్రికెట్ ఆస్ట్రేలియా భారీ షాక్ ఇచ్చింది. సెంట్రల్ కాంట్రాక్టు జాబితా నుంచి అతడిని తప్పించింది. 2026 సీజన్‌కు సంబంధించి సెంట్రల్ కాంట్రాక్టు జాబితాను క్రికెట్ ఆస్ట్రేలియా ప్రకటించింది. 21 మందితో కూడిన ఈ జాబితాలో మ్యాక్స్‌వెల్‌కు చోటు దక్కలేదు. 2025 జూన్‌లో మాక్స్‌వెల్ వన్డేలకు రిటైర్మెంట్ ప్రకటించాడు.

2017లో చివరి సారిగా ఆసీస్ తరుపున టెస్టు మ్యాచ్ ఆడాడు. ప్రస్తుతం కేవలం టీ20ల్లోనే కొనసాగుతున్నాడు. ఇటీవల ముగిసిన టీ20 ప్రపంచకప్ 2026లోనూ అతడు పేలవ ప్రదర్శన చేశాడు. దీంతో అతని కెరీర్ ముగిసినట్టేనని భావిస్తున్నారు. రిటైరయిన ఉస్తామ్ ఖవాజాతో పాటు ఫామ్ కోల్పోయిన రిచర్డ్‌సన్ , మోరిస్, షార్ట్ వంటి ప్లేయర్స్‌కు చోటు దక్కలేదు. ఇదిలా ఉంటే ఆస్ట్రేలియా ప్రకటించిన సెంట్రల్ కాంట్రాక్టు జాబితాను చూస్తే టెస్టు స్పెషలిస్టులకు అధిక ప్రాధాన్యం ఇచ్చారు.