రాష్ట్రంలో గ్రామ ప్రథమ పౌరుల ఎన్నికల వేళ గ్రామాల్లో రాజకీయ వేడి రాజుకున్నది. పంచాయతీ ఎన్నికలు మూడు విడతలుగా డిసెంబర్ 11, 14, 17వ తేదీలో జరుగనున్నాయి. ఇప్పటికే మొదటి విడత నామినేషన్ల పర్వం ముగియగా తదుపరి వాటికి అధికార యంత్రాంగం సిద్ధమైంది. అన్ని రాజకీయ పార్టీలు ఎక్కువ సర్పంచ్ అభ్యర్థులను గెలిపించుకునేందుకు విశ్వప్రయత్నాలు మొదలు పెట్టాయి. ఈ క్రమంలో గెలుపే లక్ష్యంగా స్థానిక నాయకులు కట్టుదిట్టమైన ఆలోచనలు చేస్తూ వ్యూహాత్మక ప్రణాళికలు వేస్తున్నారు. ప్రస్తుతం గ్రామాలలో జరుగుతున్న వాస్తవిక పరిస్థితులకు అద్దంపట్టేలా తికమక తిమ్మయ్య, మాటకారి మల్లయ్య అనే రెండు పాత్రలను రూపొందించి వారి మధ్య జరిగే సంభాషణలుగా ‘విజయక్రాంతి’ అందజేస్తున్న ప్రత్యేక కథనం.  

1. ఎంత ఖర్చు పెడితే అన్ని ఓట్లు..                                   
   

వారికే పార్టీల మద్దతు

సర్పంచ్ ఎన్నికల్లో అన్ని పార్టీలదీ అదే తీరు..               

నట్టె కోటేశ్వర్‌రావు, సూర్యాపేట (విజయక్రాంతి) గ్రామంలోని రచ్చబండ మీద పొద్దుగాల ఆరుగంటలకే అన్ని పనులు కాజేసి ఆరుబారుగా కూసున్ననడు మాటకారి మల్లయ్య. అప్పుడే నోట్లో పండ్లపుల్లను వేసుకుని రుద్దుకుంట, తుప్పతుప్ప ఊసుకుంట అటువైపుగా వెళ్తున్న తికమక తిమ్మయ్యను ఏడికి పోతున్నవ్ తిమ్మయ్య అం టూ పలకరించిండు. కొట్టంకాడ పేడకల్లు తియ్యనికి పోతున్న అంటూ రచ్చబండ వద్దకు వచ్చి భుజం మీ ది తుండు తీసి అరుగుపై వేసి దానిపై కూర్చుండు. ఇగ మొదలైంది సంభాషణ...  

తికమక తిమ్మయ్య: ఔ.. మల్లన్న సర్పంచ్ ఓట్లు వచ్చినయి గదా ఎవళ్లు పోటీల ఉంటుండ్రే?

మాటకారి మల్లయ్య: ఊర్ల పోటీజేసేటోల్లు కరువైనారు. ఇస్తే జాలుగానీ ఇంటికొకడు నిలబడ్తడు. అయి నా గీ పార్టీల ఇకమతు నీకు తెల్వదా తిమ్మయ్య!

తిమ్మయ్య: ఏమో పో.. మల్లన్న. పోయిన నెలల వరకు పోషిగాని కొడుకు పరమేష్‌గాడు పోటీజే స్తానని ఆగమాగంజేసిండు. ఏమైందోగానీ ఓట్లు అనంగనే పేరు పత్తాలేకుండపోయింది.  

మల్లయ్య:  ఓ.. గదా.. మన ఊరు సర్పంచు పదవి మొదట్ల బీసీలకు రిజర్వేషన్ చేసిండ్రు.. తర్వాత రిజర్వేషన్ మారేసరికి తేడాగొట్టింది. 

తిమ్మయ్య: అంటే గిప్పుడు ఎవ్వరు జెయ్యాలన్నట్టు?                       

మల్లయ్య: జనరల్ అంట. ఎవరైన పోటీల నిలవడొచ్చు.

తిమ్మయ్య: ఏ పార్టీలోల్లు, ఎవరెవరు ఉంటురో మరీ పోటీల?                                   

మల్లయ్య: ఇగ పార్టీల గురించి మాట్లాడుతవ్ తియ్ మనూర్ల. ఎవడు ఏ పార్టీల ఎప్పటి వరకు ఉం టడో ఎవనికి ఎరుక.. ఇప్పటికి ఎంతమంది మారితే జూడలే.. ఎవని అవసరానికి ఆడు మార్తనే ఉండు.                           

తిమ్మయ్య: అట్లంటవేందే మల్లన్న. మన ఊర్ల పార్టీలు లేవా.. నాయకులు లేరా.. పోయిన ఎమ్మెల్యే ఎన్నికలల్ల జెండాలు పట్టి ఎట్ల ప్రచారం జేసింది మరచినావే..                  

మల్లయ్య: అయ్యి ఎమ్మెల్యే ఎలచన్లు.. ఇయ్యి సర్పంచువి.. వాటికి, వీటికి మస్త్ తేడాలుంటయ్.                   

తిమ్మయ్య: ఎయ్యునా ఓట్లేగా.. పోటీచేసేది పార్టోల్లేగా?

మల్లయ్య: ఔ గాని.. చానా తేడా ఉంది. ఆ ఎలచన్లల్ల పార్టీల గుర్తులు వస్తయ్.. కానీ ఈ ఎలచన్లల్ల ఆ గుర్తులు రావు. అధికారులే గుర్తులు ఇస్తరు. దాని మీదే పోటీజేయ్యాలే.                              

తిమ్మయ్య: జెర అర్థమయ్యేటట్టు చెప్పరాదే.. మల్లన్న.                                          

మల్లయ్య: ఇగ ఎవళ్లకైన పార్టీ గుర్తుపైనే పాయిరం. ఈ ఓట్లలో ఆ గుర్తు రాదు కాబట్టి అంత పాయిరం ఉండదు. దీన్ని యాదికి ఉంచుకొని నాయకులు సర్పంచి అభ్యర్థిని ఎంపిక చేసుట్ల శానా జాగర్తలు తీసుకుంటుర్రు.                 

తిమ్మయ్య: జాగర్తలా ఎట్లంటవ్..?                                 

మల్లయ్య: ఏమీలేదు తిమ్మా.. ఏ పార్టీలనైన మొద ట పోటీల ఉండేటోళ్ల పేర్లు తీసుకుంటరు. దాంట్ల ఓట్లు పడేటట్లుండే ఒక ఐదు, ఆరుగురు పేర్లను ఎంపికజేస్తరు. మళ్ల దాంట్ల నుంచి ఆఖరికి ఒక్కల్ని బయట కు తీస్తరు.. ఇగ ఆయనే పోటీదారు.                     

తిమ్మయ్య: ఆ ఒక్కన్నే ఎట్ల ఎంపికజేస్తరు? జరజెప్పే 

మల్లయ్య: హో.. అది పెద్ద కథే.. ముఖ్యమైన పార్టీ నాయకులు కూసోని ఈ ఐదారుగురిలో ఎవరైతే ఎక్కువ ఖర్చువెడ్తరు.. ఎవల దగ్గర ఎక్కువ పైసలున్నై అనేది జూసి టికెట్ ఇస్తరన్నట్టు.                                  

తిమ్మయ్య: ఒకవేళ పోటీలో నిలవడాలనుకునేటోళ్ల దగ్గర పైసలు లేకుంటే ఎట్లా?

మల్లయ్య: దానికి కూడా ఒక మార్గం ఉంటదే.. ఒక పార్టీ నుంచి నిలవడాలనుకునేటోళ్లంతా పైలు లేనోళ్లయితే.. అవతల పార్టీల పోటీలో ఉండాలన్కుని, టికెట్ రానోళ్లను ఇవతలకి గుంజి టికెట్ ఇస్తరు. అంతే..

తిమ్మయ్య: గట్లజేసుడు మంచిది కాదుగదానే?                 

మల్లయ్య: మంచి, చెడ్డ గురించి ఆలోచనజేసే రోజులా తిమ్మా ఇవ్వీ.. పోటి ముఖ్యం, పదవి ముఖ్యం. బంధాలు, బంధుత్వాలన్నీ పక్కన వెట్టుడే లెక్క.                   

తిమ్మయ్య: ఏమో పో.. మల్లన్న. నువ్‌జేప్పేది ఇం టుంటే పైసలున్నోడే పోటీజేయాలి అన్నట్టు ఉంది.               

మల్లయ్య: అదే నిజంమరీ. ఎంత పెట్టినోడికి అన్ని ఓట్లు అన్నట్టుంది పార్టీల లెక్క. అందుకే పైసలున్నోడికే పార్టీలు సీట్ల ఇస్తున్నై మరీ.

తిమ్మయ్య: నువ్వుజేప్పే దాన్నిబట్టి జూస్తే.. ఒక్క పోటీదార్ 10 నుంచి 20 లక్షల ఖర్చు పెట్టాలనుకుం టా. అంత ఖర్చు పెట్టి ఏం చేస్తరే..?                                     

మల్లయ్య: ఏం జేస్తరు.. ఓడిపోయిన అభ్యర్థి ఇంటోళ్లు ఓడిన నాటి నుంచి కూర్చొని    ఏడుస్తరు.. గెలిచినాయన పదవిలో ఉన్న ఐదేళ్లు ఏడుపొస్తున్నాగూడా లోపన్నే ఆపుకుంటుంటాడు. పైసలు తీసుకు న్న ఓటర్లు అయితే పనులుగావాలంటే సర్పంచ్ చుట్టూ తిరుగతనే ఉండాలే.

తిమ్మయ్య : ఏమో మల్లన్న.. ఈ యవ్వారమేమో గాని నా కొట్టంకాడ  పని గట్లనే ఆగిపోయింది పో. ఏమనుంటే రేపు మాట్లాడుదాం.. ఒత్త మరీ.. అనుకుంటూ అరుగు మీద తుండు దులిపి భుజం పై వేసుకుంకుని, మళ్లీ పళ్లు తోముకుంటూ కొట్టం వైపు వెళ్లిపోయిండు.