వెంకటాపూర్(రామప్ప)(విజయక్రాంతి): ములుగు జిల్లా వెంకటపూర్ మండలంలోని ప్రపంచ ప్రఖ్యాతి గాంచిన ప్రపంచ వారసత్వ సంపదగా గుర్తింపు పొందిన రామప్ప దేవాలయాన్ని శుక్రవారం అమెరికా దేశానికి చెందిన టూరిస్ట్ సందర్శించారు. ఈ సందర్భంగా శ్రీరామలింగేశ్వర స్వామివారికి దర్శించుకొని స్వామివారి తీర్థప్రసాదాలను ఆలయ అర్చకులు అందించారు. అనంతరం టూరిజం గైడ్లు మధు, వెంకటేష్ ఆలయ ప్రాముఖ్యత, చరిత్ర, శిల్పకళా నైపుణ్యం గురించి వివరించారు. ఆలయ నిర్మాణం, శిల్పకళ, ప్రాచీన శిల్పాలను పరిశీలించి ఆయన చాలా సంతృప్తి వ్యక్తం చేశారు. రామప్ప ఆలయం భారతీయ శిల్పకళలో ఒక అద్భుతమని, ఇక్కడి శిల్పాలు, నిర్మాణం అద్భుతంగా ఉన్నాయని, సంప్రదాయాలు, ఆచారాలను ప్రత్యక్షంగా చూడడం గొప్ప అనుభవం అని కొనియాడారు.