ఖాతాదారుల సేవా కేంద్రం నిర్వహణకు దరఖాస్తుల ఆహ్వానం

నంగునూరు యూనియన్ బ్యాంక్ బిసి పోస్టుల భర్తీ

నంగునూరు,(విజయక్రాంతి): మండల కేంద్రంలోని యూనియన్ బ్యాంక్ ఆఫ్ ఇండియా పరిధిలో ఖాతాదారుల సేవా కేంద్రాన్ని నిర్వహించేందుకు బిజినెస్ కరస్పాండెంట్ పోస్టుకు దరఖాస్తులు కోరుతున్నట్లు గ్రామ్ తరంగ్ ఇన్ క్లూసివ్ డెవలప్మెంట్ సర్వీసెస్ ప్రతినిధి కోడాడి రాజు ఓ ప్రకటనలో తెలిపారు. ఇంటర్మీడియట్ విద్యార్హత కలిగి 18 నుంచి 57 ఏళ్ల లోపు వయసున్న స్థానిక అభ్యర్థులు ఈ అవకాశాన్ని ఉపయోగించుకోవచ్చన్నారు.

అర్హత గలవారు తమ బయోడేటాతో పాటు ఆధార్, పాన్ కార్డ్, విద్యార్హత సర్టిఫికెట్లు, పోలీస్ వెరిఫికేషన్ పత్రం, రెండు పాస్‌పోర్ట్ సైజ్ ఫొటోలను జతచేసి, మే 30 నుంచి జూన్ 7వ తేదీ లోపు నంగునూరు యూనియన్ బ్యాంక్ శాఖలో అందజేయాలని సూచించారు. వచ్చిన దరఖాస్తుల ఆధారంగా ఎంపికైన అభ్యర్థులకు జూన్ 10న ఉదయం 10 గంటల నుంచి సిద్దిపేటలోని యూనియన్ బ్యాంక్ ప్రాంతీయ కార్యాలయంలో రెండు విడతలుగా ఇంటర్వ్యూలు నిర్వహిస్తామని ఆయన వెల్లడించారు.