కేంద్ర మంత్రి బండి సంజయ్

అల్లు అర్జున్ అరెస్ట్ విషయంలో కాంగ్రెస్ సర్కార్‌పై కేంద్ర మంత్రి బండి సంజయ్ నిప్పులు చెరిగారు. ప్రభుత్వం చేతగానితనాన్ని కప్పి పుచ్చుకునేందుకు అల్లు అర్జున్‌ను అరెస్ట్ చేస్తారా? అని ఆయన ఒక ప్రకటనలో ప్రశ్నించారు. పుష్ప పాన్ ఇండియా సినిమా అని ప్రపంచమంతా తెలుసని, సినిమా ఓపెనింగ్ రోజు అగ్ర హీరోలంతా ఆర్టీసీ క్రాస్ రోడ్‌కు రావడం 50 ఏళ్లుగా జరుగుతున్నదేనన్నారు.

ఈ విషయం తెలిసి కూడా ప్రభుత్వం ఎందుకు ముందస్తు రక్షణ ఏర్పాట్లు తీసుకోలేదని ప్రశ్నించారు. ప్రభుత్వ నిర్లక్ష్యానికి అమాయక మహిళ బలైతే ఇతరులపై తప్పును నెట్టి శిక్షించాలనుకోవడం దుర్మార్గమన్నారు. జాతీయ అవార్డు గ్రహీత అల్లు అర్జున్‌కు కనీస సమయం కూడా ఇవ్వకుండా బెడ్రూంలోకి వెళ్లి అరెస్ట్ చేయడం సిగ్గుచేటు అని విమర్శించారు.