1. పండుగను ఘనంగా జరుపుకోవాలి
2. ముఖ్యమంత్రి రేవంత్‌రెడ్డి
3. బతుకమ్మ శుభాకాంక్షలు తెలిపిన సీఎం 

హైదరాబాద్, సెప్టెంబర్ 29 (విజయక్రాంతి) : తెలంగాణలోని అక్కా చెల్లెళ్లందరికీ సోమవారం ముఖ్యమంత్రి రేవంత్‌రెడ్డి సద్దుల బతుకమ్మ శుభాకాంక్షలు తెలిపారు. ప్రకృతిని.. పూలను పూజించే  గొప్ప సంస్కృతికి నెలవు తెలంగాణ అని సీఎం పేర్కొన్నారు. తీరొక్క పూలతో తయారు చేసిన ఘనమైన బతుకమ్మలతో ఆడ బిడ్డలందరూ ఆట పాటలతో సద్దుల బతుకమ్మ సంబురాలు జరుపుకోవాలని సీఎం రేవంత్‌రెడ్డి ఆకాంక్షిం చారు.

తెలంగాణ సాముహిక జీవన విధానానికి, కష్టసుఖాలను కలిసి పంచుకునే ప్రజల ఐక్యతకు ఈ పం డుగ నిదర్శనమన్నారు. ఈ పండుగ ప్రజల సాంస్కృతిక వైభవం, మహిళల ఐక్యతను చాటి చెప్పడంతో పా టు, అనేక సామాజిక అంశాలతో నిం డి ఉందన్నారు. ప్రజల ఆత్మ గౌరవానికి ప్రతీకగా నిలిచే బతుకమ్మ పండు గను తొమ్మిది రోజుల పాటు రాష్ర్టమంతటా అత్యంత వైభవంగా  నిర్వ హించుకున్నామన్నారు.

బతుకమ్మ విశిష్టతను ప్రపంచానికి చాటి చెప్పడానికి, సరూర్ నగర్ స్టేడియంలో 10 వేల మంది మహిళలతో ప్రభు త్వం ఘనంగా బతుకమ్మ వేడుకలు ని ర్వహిస్తుందని సీఎం అన్నారు. చెరువులు, కుంటలను పదిలంగా కాపాడి భవిష్యత్ తరాలకు వారసత్వంగా తమ ప్రభుత్వం అందిస్తుందని.. అందుకే అంబర్‌పేట్‌లో బతుకమ్మ కుంటను పునరుద్దరించామన్నారు.