హైదరాబాద్: హనుమకొండ జిల్లాలో బీసీ కమిషన్ బృందం శనివారం పర్యటిస్తోంది. స్థానిక సంస్థల ఎన్నికల్లో రిజర్వేషన్ దామాషా ఖరారుకు బహిరంగ సభ నిర్వహించారు. బీసీ కులాల సామాజిక, రాజకీయ, ఆర్థిక పరిస్థితులపై అభిప్రాయ సేకరణ చేస్తున్నారు. బీసీ కమిషన్ కుల సంఘాల, ప్రజాప్రతినిధుల అభిప్రాయాలను తెలుసుకుంటోంది. హనుమకొండ కలెక్టరేట్ ఆడిటోరియంలో బీసీ కమిషన్ బహిరంగ విచారణ జరుగుతోంది. ఈ కార్యక్రమానికి బీసీ కమిషన్ ఛైర్మన్ నిరంజన్, సభ్యులు హాజరయ్యారు. శనివారం ఉదయం హనుమకొండ, వరంగల్, ములుగు, జయశంకర్ భూపాలపల్లి జిల్లాలకు సంబంధించి అభిప్రాయ సేకరణ చేపట్టారు. మధ్యాహ్నం మహబూబాబాద్, జనగామ జిల్లాలకు సంబంధించి అభిప్రాయ సేకరణ చేస్తున్నారు.