మిర్యాలగూడ, నవంబర్ 30 (విజయక్రాంతి): విద్యా ఉద్యోగ రాజకీయ రంగాల్లో బీసీలకు 42 శాతం రిజర్వేషన్లు కల్పించాలని మిర్యాలగూడ బీసీ సంఘాల ప్రతినిధులు డిమాండ్ చేశారు. ఈ మేరకు ఆదివారం  హైదరాబాదు  ఇందిరాపార్క్ వద్ద నిర్వహించిన బీసీల రాజకీయ యుద్ధభేరీకి  మిర్యాలగూడ పట్టణం నుండి బీసీ సంఘాల ప్రతినిధులు పెద్ద సంఖ్యలో తరలివెళ్లారు.

రాబోయే ఎన్నికల్లో బీసీలు సంఘటితమై రిజర్వేషన్ల అమల్లో మోసగించిన పాలకుల తీరును ఎండగట్టాలని పిలుపునిచ్చారు. కార్యక్రమంలో బీసీ సంక్షేమ సంఘం జిల్లా మహిళా కార్యదర్శి బంటు కవిత, బీసీ జేఏసీ కో కన్వీనర్ చేగొండి మురళీ యాదవ్, బీసీ జిల్లా నాయకులు కుంచెం రాజ్ కుమార్, వద్దిరాజు, గువ్వల రామకృష్ణ, బంటు సాయి, సత్య ప్రకాష్ నాయుడు తదితరులు పాల్గొన్నారు.