1. కష్టపడే వారికే గుర్తింపు, అవకాశాలు
2.   2028లో అధికారమే లక్ష్యంగా పని చేయాలి
3. రాంచందర్‌రావు స్ట్రాంగ్ లీడర్
4. బీజేపీ జాతీయ సంస్థాగత ప్రధాన కార్యదర్శి బీఎల్ సంతోష్ 

హైదరాబాద్, నవంబర్ 30 (విజయక్రాంతి): నేతనలు కాదు.. పార్టీని నమ్ముకోండి...కష్టపడే వారికే తగిన గుర్తింపు, అవకాశాలు ఉంటాయి. అని బీజేపీ జాతీయ సంస్థాగత ప్రధాన కార్యదర్శి బీఎల్ సంతోష్ శ్రేణులకు ఉద్బోధించారు. 2028 ఎన్నికల్లో అధికారమే లక్ష్యంగా పని చేయాలనిదిశానిర్దేశం చేశారు. ఆదివారం తుక్కుగూడలో బీజేపీ రాష్ట్ర అధ్యక్షుడు రాంచందర్ రావు అధ్య క్షతన బీజేపీ వర్క్ షాప్ నిర్వహించారు.

ఈ సమావేశంలో పార్టీ జిల్లా అధ్యక్షులు, రాష్ట్ర కమిటీ సభ్యులు, ఎం పీలు, ఎమ్మెల్యేలు హాజరయ్యారు. ఎంపీలు, ఎమ్మెల్యేలతో బీఎల్ సంతోష్ విడివిడిగా సమావేశమై చర్చిం చారు.  ఈ వర్క్ షాప్‌లో స్థానిక సంస్థల ఎన్నికలు, 2028 అసెంబ్లీ ఎన్నికలు, జూబ్లీహిల్స్ ఉప ఎన్నిక ఓటమితోపాటు పార్టీ సంస్థాగత అంశాలపై నేతలతో ఆయన చర్చించారు. కలిసికట్టుగా వెళ్లాలని ఆయన సూ చించారు. ఎవరికి వారుగా వెళ్తే పార్టీకే కాదు వ్యక్తిగతంగా నేతలు కూడా నష్టపోతారని హెచ్చరించారు.

జమిలీ ఎన్నికలు ఉండవు అని నేతలతో స్పష్టం చేశారు. నియోజకవర్గల పునర్విభజన జరుగుతుందని, మహిళకు 33 శాతం రిజర్వేషన్లు వస్తాయన్నారు. అందుకు అనుగుణం గా మహిళ లీడర్లు పని చేస్కోవాలని సూచించారు. అయితే నాయకుల పేరు చెప్పుకొని పని చేయడం కాద ని, నాయకుల వెంట ఉంటే మిమ్మల్ని గుర్తించేలా కాకుం డా మిమ్మల్ని ప్రజలే గుర్తు పట్టలే పని చేయాలని దిశానిర్దేశం చేశారు. 

పార్టీకి కొత్తగా ఎన్నికైన జిల్లా అధ్యక్షులు క్షేత్రస్థాయిలో జనంలోకి వెళ్లాలని ఆదేశించారు. బీజేపీ రాష్ట్ర అధ్యక్షుడు రాంచందర్ రావు స్ట్రాంగ్ ప్రెసిడెంట్.. ఆయనను ఎవరు ఎమీ చేయలేరని, అధ్యక్షుడు ఎవరున్నా బాస్ ఇజ్ బాస్ అని పార్టీ నాయకులకు ఆయన క్లాస్ పీకారు. సొంత వ్యాపారాల కోసం పార్టీ పదవులను ఉపయోగించే వారిపై చర్యలు తప్పవని, అలాంటి వారు తప్పుకోవాలని వార్నింగ్ ఇచ్చారు. 

ప్రతి నాయకుడిపై నిఘా

 ప్రతి నాయకుడిపై జాతీయ నాయకత్వం  నిఘా ఉంటుందన్నారు. కష్టపడి పనిచేసే నేతలకు కేంద్ర పార్టీ కచ్చితంగా గుర్తిసుందన్నారు. అధ్యక్షుడు సమావేశం పెడి తే లైట్ తీసుకున్నట్లు తెలిసిందని, తమ దృష్టికి ప్రతీది వ స్తుందని ఆయన హెచ్చరించారు. స్థానిక సంస్థల ఎన్నికలతో పార్టీ క్యాడర్‌ను లీడర్లుగా తయారు చేసుకోవాలన్నారు. సోషల్ మీడియాను ఉపయోగించుకోవాలని, దానిని మాత్రమే నమ్ముకోవద్దన్నారు. జనంలోకి వెళ్లి వారి నమ్మకాన్ని నిలబె ట్టుకోవాలని సూచించారు. జనంలోకి వెళ్లకుండా మాటలు చెప్పేవారు పదవుల నుంచి తప్పుకోవాలని సూచించారు.