మంచిర్యాల (విజయక్రాంతి): మంచిర్యాల పట్టణంలో కోర్టు ముందర పార్కింగ్ చేసిన ద్విచక్ర వాహనం చోరీకి గురైనట్లు పట్టణ ఎస్సై మజారుద్దీన్ శనివారం తెలిపారు. ఎస్సై తెలిపిన వివరాల ప్రకారం.. ఈ నెల 15వ తేదీన ముత్యం కమలాకర్ (సింగరేణి కార్మికుడు) కోర్టు పని నిమిత్తం హాజరై కోర్టు ముందు భాగంలో తన ద్విచక్ర వాహనం(AP01AB 3747) పార్కింగ్ చేసి మధ్యాహ్నం 2.30 గంటలకు తిరిగి పరిశీలించగా కనిపించలేదన్నారు. వాహనం కోసం పలు చోట్ల వెతికినా దొరకకపోవడంతో శనివారం తన వాహనాన్ని ఎవరో గుర్తు తెలియని వ్యక్తులు దొంగిలించారని ఫిర్యాదు చేసినట్లు వెల్లడించారు. ఈ మేరకు కేసు నమోదు చేసుకొని దర్యాప్తు జరుపుతున్నామన్నారు.