భద్రాచలం (విజయక్రాంతి): భద్రాచలం నియోజకవర్గం పరిధిలోని భద్రాచలం దుమ్మగూడెం చర్ల మండలాలలో గ్రామ పంచాయతీ ఎన్నికల నామినేషన్ ప్రక్రియ శనివారం సాయంత్రంతో ముగిసింది. భద్రాచలం పట్టణంలోని 20 వార్డులకు 98 నామినేషన్లు దాఖలయ్యాయి. గురువారం 14 నామినేషన్స్ శుక్రవారం 16 నామినేషన్స్ దాఖలు కాగా శనివారం 79 మంది తమ నామినేషన్స్ వేయడంతో మొత్తం మూడు రోజులకు 109 దాఖలయ్యాయి. అంతేకాకుండా భద్రాచలం సర్పంచ్ అభ్యర్థికి మూడు రోజుల కలిపి 11 మంది అభ్యర్థులు తమ నామినేషన్స్ దాఖలు చేశారు. భద్రాచలంలో సర్పంచ్ అభ్యర్థికి కాంగ్రెస్ టిఆర్ఎస్ బిజెపి అభ్యర్థులతో పాటు స్వతంత్ర అభ్యర్థులు కాంగ్రెస్ రెబల్ అభ్యర్థులు పెద్ద ఎత్తున సర్పంచిగా వార్డు మెంబర్లుగా నామినేషన్లు వేశారు.

దీంతో భారీ సంఖ్యలో నామినేషన్ వేశారు. వీటితో పాటు దుమ్ముగూడెం, చర్ల మండలాల్లో కూడా భారీ సంఖ్యలో నామినేషన్స్ వేయడంతో అర్ధరాత్రి వరకు లెక్క తేలే అవకాశం ఉంది. శనివారం నామినేషన్స్ ఆఖరి రోజు అవటంతో రాజకీయ పార్టీ నాయకులతో పాటు పలువురు యువకులు నామినేషన్స్ వేయడానికి పోటీ పడటంతో నామినేషన్స్ కేంద్రాలు కలకలలాడాయి. ఏజెన్సీ ప్రాంతమైనప్పటికీ గ్రామ పంచాయతీ ఎన్నికలలో పోటీ చేయడానికి పలువురు ఆసక్తి కనబరుస్తున్నారు. శనివారం భద్రాచలంలోని ఎన్నికల నామినేషన్ కేంద్రాన్ని భద్రాచలం సబ్ కలెక్టర్ మృనాల్ శ్రేష్ట ఏ ఎస్ పి విక్రమ్ కుమార్ సింగ్ లు సందర్శించి నామినేషన్ ప్రక్రియను పరిశీలించారు.