న్యూఢిల్లీ: రాష్ట్రంలోని అధికార నేషనల్ డెమోక్రటిక్ అలయన్స్ (ఎన్డీఏ) సీట్ల పంపకాల ఒప్పందంలో కొనసాగుతున్న ప్రతిష్టంభన మధ్య, బీహార్ అసెంబ్లీ ఎన్నికలకు 71 మంది అభ్యర్థులతో కూడిన తొలి జాబితాను బిజెపి మంగళవారం విడుదల చేసింది. ఉప ముఖ్యమంత్రులు సామ్రాట్ చౌదరి, విజయ్ కుమార్ సిన్హా వరుసగా తారాపూర్, లఖిసరాయ్ స్థానాల నుంచి పోటీ చేస్తున్నారు. దానాపూర్ నుంచి పోటీ చేయనున్న పార్టీ సీనియర్ నేత రామ్ కృపాల్ యాదవ్, గయా నుంచి ప్రేమ్ కుమార్, కతిహార్ నుంచి మాజీ ఉప ముఖ్యమంత్రి తార్కిషోర్ ప్రసాద్, సహర్సా నుంచి అలోక్ రంజన్ ఝా, మాజీ ఉప ముఖ్యమంత్రి తార్కిషోర్ ప్రసాద్, బెట్టియా నుంచి మంత్రి రేణు దేవి  పోటీ చేయనున్నారు. శివన్ నుంచి మంగళ్ పాండే వంటి ఇతర ముఖ్యమైన పేర్లు ఉన్నాయి.

 ఒక ముఖ్యమైన మార్పుగా బీహార్ అసెంబ్లీ స్పీకర్ నంద్ కిషోర్ యాదవ్‌ను పాట్నా సాహిబ్ స్థానం నుండి తొలగించింది. ఆయన 2010 నుండి ఆ స్థానానికి ప్రాతినిధ్యం వహిస్తున్నారు. ఆ స్థానాన్ని రత్నేష్ కుష్వాహాకు కేటాయించింది. బిజెపి జాబితాను ప్రచురించడానికి కొన్ని గంటల ముందు, చౌదరి సోషల్ మీడియాలో ఎన్డీఏ పార్టీల మధ్య సీట్ల పంపకాల ప్రతిష్టంభన స్నేహపూర్వక చర్చల ద్వారా పరిష్కరించబడిందని ప్రకటించారు. ఏ పార్టీ ఏ సీటులో పోటీ చేస్తుందనే దానిపై చర్చ కూడా సానుకూల చర్చలతో చివరి దశలో ఉందని ఆయన అన్నారు.

ఆదివారం, పాలక కూటమి తన సీట్ల భాగస్వామ్య సూత్రాన్ని ప్రకటించింది. బిజెపి విడుదల చేసిన జాబితా ప్రకారం శ్రేయసి సింగ్ జముయ్ స్థానం నుండి బరిలోకి దిగనున్నారు. దీని ప్రకారం బిజెపి, జెడియు చెరో 101 సీట్లలో పోటీ చేస్తాయి. 243 మంది సభ్యులున్న అసెంబ్లీకి నవంబర్ 6, 11 తేదీల్లో రెండు దశల్లో ఎన్నికలు జరుగగా, నవంబర్ 14న ఓట్ల లెక్కింపు జరుగుతుంది. మొదటి దశలో ఎన్నికలు జరిగే 121 స్థానాలకు నామినేషన్లు దాఖలు చేయడానికి చివరి తేదీ అక్టోబర్ 17 కాగా, రెండవ దశలో 122 స్థానాలకు చివరి తేదీ అక్టోబర్ 20.