బీజేపీ నాయకుడు కాంగ్రెస్ లో చేరిక

పెద్ద కొడప్గల్ (విజయక్రాంతి): కామారెడ్డి జిల్లా పెద్ద కొడప్గల్ మండలం విఠల్ వాడి గ్రామానికి చెందిన బిజెపి మోర్చా గ్రామ అధ్యక్షుడు కొండిగిరే మారుతి సోమవారం మండల కాంగ్రెస్ అధ్యక్షులు మహేందర్ రెడ్డి ఆధ్వర్యంలో కాంగ్రెస్ పార్టీలో చేరారు. ఈ సందర్భంగా ఆయన మాట్లాడుతూ కాంగ్రెస్ పార్టీ చేపడుతున్న సంక్షేమ పథకాలకు ఆకర్షితుడనై పార్టీలో చేరానని తెలిపారు. స్థానిక సంస్థల ఎన్నికల్లో పార్టీ అభ్యర్థుల గెలుపునకు కృషి చేస్తానని తెలిపారు. ఈ కార్యక్రమంలో కాంగ్రెస్ పార్టీ సీనియర్ నాయకులు చిప్ప మోహన్, మల్లప్ప పటేల్, మొగలాగౌడ్, సంతోష్ దేశాయ్, బస్వరాజ్ దేశాయ్, శంకర్ పటేల్, విజయ్, రవీందర్, దిగంబర్ తదితరులు పాల్గొన్నారు.