బొమ్మ సోకురో.. బొంబాయి జాతరే..

‘మిస్టర్ బచ్చన్’ నుంచి ఇటీవల విడుదలైన సితార సాంగ్ ఇంకా సంగీత ప్రియుల చెవిలో మోగుతూనే ఉంది. అంతలో మరో పాటను విడుదల చేసింది ‘మిస్టర్ బచ్చన్’ టీమ్. ఈ మారు డప్పుల ‘దరువు’తో రవితేజ శైలికి సరిపడా మస్తు మాస్ గీతాన్ని ప్రేక్షకుల ముందుకు తెచ్చారు దర్శకు డు హరీష్ శంకర్. ఇటీవల కాలంలో ఇలాంటి పాటలకు కేరాఫ్ అడ్రస్‌గా మారారు గేయ రచయిత కాసర్ల శ్యామ్. ఈ సినిమా కోసం ఆయన రాసిన ‘బొమ్మ సోకురో.. బొంబాయి జాతరే..’ అనే పాట గురువారం సాయంత్రం విడుదలైంది.

మిక్కీ జే మేయర్ స్వరపరిచిన ఈ మాస్ పాట ను అనురాగ్ కులకర్ణి, మంగ్లీ కలిసి పాడగా రవితేజ, భాగ్యశ్రీ బోర్సే కలిసి హుషారైన స్టెపులతో అలరించారు. భాను మాస్టర్ నృత్య రీతులు సమకూర్చారు. జగపతిబాబు, సచిన్ ఖేడేకర్ ముఖ్య పాత్రల్లో కనపడనున్న ఈ సినిమాని పీపుల్స్ మీడియా ఫ్యాక్టరీ పతా కంపై టీజీ విశ్వప్రసాద్ నిర్మిస్తున్నారు. ఆగస్టు 15న ప్రపంచ వ్యాప్తంగా విడుదల కానుంది ‘మిస్టర్ బచ్చన్’.