పోలీస్ స్టేషన్ ముందు భీష్మించుకు కూర్చున్న మాజీ మంత్రులు

హైదరాబాద్,(విజయక్రాంతి): శాంతియుతంగా నిరసన తెలియజేస్తున్న మాజీ సర్పంచుల అరెస్టుకు నిరసనగా బీఆర్ఎస్ మాజీ మంత్రి హరీశ్ రావు ఆందోలన చేశారు. రాష్ట్రవ్యాప్తంగా స్థానిక సంస్థలకు చెందిన సర్పంచులకు ఇవ్వాల్సిన పెండింగ్ బిల్లులన్నీ చెల్లించాలని డిమాండ్ చేస్తూ మాజీ సర్పంచులు శాంతియుతంగా నిరసన తెలుపుతున్నారు. అయితే వారిని పోలీసులు  అరెస్టులు చేసిన విషయం తేలిసిందే.

అరెస్టు చేసిన మాజీ సర్పంచులకు మద్దుతుగా హరీశ్ రావు సోమవారం తిరుమలగిరి పోలీస్ స్టేషన్ వద్ద బైఠాయించారు. అరెస్టు చేసిన సర్పంచులను విడుదల చేసేదాకా పోలీస్ స్టేషన్ నుంచి బయటికి వెళ్ళేది లేదని హరీశ్ రావు, బీఆర్ఎస్ నేతలు ఆందోళన చేశారు. దీంతో వారికి పోలీసులు ఎంత నచ్చజెప్పిన వినకపోవడంతో పోలీసులు  మాజీ మంత్రులు హరీశ్ రావు, వేముల ప్రశాంత్ రెడ్డి, శాసన మండలి ప్రతిపక్ష నేత మధుసూదనా చారి, ఎమ్మెల్యేలు కొత్త ప్రభాకర్ రెడ్డి, డా.సంజయ్ కల్వకుంట్ల, బీఆర్ఎస్ నాయకులను అదుపులోకి తీసుకున్నారు.