కార్డియోజెనిక్ షాక్‌లో ఉన్న 49 ఏళ్ల వ్యక్తికి అత్యవసర యాంజియోప్లాస్టీ నిర్వహణ

హైదరాబాద్ సిటీ బ్యూరో, నవంబర్ 17 (విజయక్రాంతి): మలక్‌పేటలోని కేర్ హాస్పిట ల్స్ వైద్యులు తీవ్ర కార్డియోజెనిక్ షాక్‌లో ఉన్న హైదరాబాదుకు చెందిన 49 ఏళ్ల వ్యక్తికి అత్య వసర యాంజియోప్లాస్టీ చేసి ప్రాణాలను కాపాడారు. తీవ్రమైన ఛాతీ నొప్పి రావడంతో స్థానిక ఆసుపత్రిలో చికిత్స తీసుకున్నారు. అక్క డ సీపీఆర్ చేశారు, వెంటిలేటర్ సపోర్ట్ ఇచ్చా రు, థ్రోంబోలిసిస్ చేశారు. అయినా ఆయన పరిస్థితి క్షీణించడంతో గుండె సరిపడా రక్తాన్ని పంపించలేని కార్డియోజెనిక్ షాక్లోకి వెళ్లిపో యారు.

అతను కేర్ హాస్పిటల్‌కు వచ్చినప్పుడు రక్తపోటు చాలా తక్కువగా ఉండి, గుండె పంపింగ్ శక్తి (ఎజెక్షన్ ఫ్రాక్షన్) కేవలం 40% మాత్రమే ఉన్నది. వెంటనే అత్యవసర కార్డియా క్ బృందం యాంజియోగ్రామ్ చేసింది. దాంతో, ఎడమ ప్రధాన కరోనరీ ఆర్టరీలో 70 వరకు అడ్డంకి ఉండటం, అలాగే ఎడమ పూర్వ అవరోహణ ఆర్టరీలో రక్తం గడ్డకట్టడం గుర్తించారు. ఇది ప్రాణాపాయ స్థితి కావడంతో, తక్షణ చికిత్స అవసరమైంది.

మలక్‌పేటలోని కేర్ హాస్పిటల్స్‌లో సీనియర్ ఇంటర్వెన్షనల్ కార్డియాలజిస్ట్, కార్డియాలజీ విభాగాధిపతి డాక్టర్ నవీన్ కుమార్ చెరుకు అత్యవసర ఇమేజ్ గైడెడ్ యాంజియోప్లాస్టీ విజయవంతంగా నిర్వహించారు. ఎడమ ప్రధాన ధమనిలో ఉన్న అడ్డంకిని తొలగించి, ఎడమ ప్రధాన కరోనరీ ధమనిలో స్టెంటును అమర్చారు. దీంతో రక్తప్రసరణ సవ్యంగా పునరుద్ధరించబడింది. రోగి ఆరోగ్యం క్రమం గా మెరుగుపడి, వెంటిలేటర్ నుంచి విడదీసి ఐదు రోజులకే డిశ్చార్జ్ చేశారు. 

మలక్‌పేట కేర్ హాస్పిటల్స్ చీఫ్ ఆపరేటింగ్ ఆఫీసర్ ప్రవీణ్ కుమార్ ఎడ్ల మాట్లాడుతూ.. ‘ఈ కేసు మా ఆసుపత్రి క్లిష్టమైన గుండె అత్యవసర పరిస్థితులను ఎదుర్కొనే సామర్థ్యా న్ని స్పష్టంగా చూపిస్తుంది. మా వైద్యులు, క్యాత్ ల్యాబ్ బృందం, అత్యవసర సిబ్బంది తక్షణ స్పందనకు ప్రత్యేక శిక్షణ పొందారు. నిమిషాల వ్యవధిలో తీసుకునే నిర్ణయం చాలా సార్లు జీవితం, మరణం మధ్య తేడాను నిర్ణయి స్తుంది. సకాలంలో చికిత్స ఎంత ప్రాణరక్షక మో ఈ ఘటన ఒక మంచి ఉదాహరణ’ అన్నారు.