వ్యక్తులను మేనేజ్ చేస్తేనే చాన్సులు

బిగ్ బీ వారసుడు అభిషేక్ బచ్చన్ సరసన ‘ధూమ్’ధామ్ చేసింది.. ఈ ‘అందరివాడు’ నా వాడు కూడా అంటూ మెగాస్టార్‌తో జత కట్టింది.. అలా బాలీవుడ్‌లోనే కాక టాలీవుడ్ చిత్రాలతోనూ మంచి గుర్తింపు తెచ్చుకుంది.. తెలుగు, హిందీ, బెంగాళీ చిత్రాల్లో నటించిన ఆ కలకత్తా అందం పేరు రిమీ సేన్. 2003లో వచ్చిన హిందీ సినిమా ‘హంగామా’తో ఇండస్ట్రీలో అడుగుపెట్టిన ఈ భామ ‘గరమ్ మసాలా’, ‘ఫిర్ హేరా ఫేరీ’, ‘క్యూన్ కి’, ‘గోల్‌మాల్’ వంటి చిత్రాల్లో నటించి గుర్తింపు తెచ్చుకుంది. అయితే, తాజాగా ఈ అమ్మడు ఓ ఇంటర్వ్యూలో కొన్ని ఆసక్తికర విషయాలను చెప్పింది.

“ఇక్కడ (బాలీవుడ్) నా పాత్రకు పెద్దగా ప్రాధాన్యత ఉండేది కాదు. కేవలం నాది ఫర్నీచర్ రోల్. ‘హంగామా’, ‘జానీ గద్దర్’ లాంటి సినిమాల్లోనే మంచి పాత్రలు చేశా. తర్వాత అలాంటి క్యారెక్టర్స్ రావాలిని కోరుకున్నా. కానీ అలా జరగలేదు. అక్షయ్ కుమార్, అజయ్ దేవగన్‌లతో కలిసి పనిచేసినప్పటికీ పరిశ్రమలో ఎవరితోనూ పెద్దగా కనెక్ట్ కాలేకపోయా” అని వివరించింది. ఇండస్ట్రీ గురించి ఇంకా చెప్తూ.. ‘కామెడీ సినిమాలతో విసిగిపోయి నటనకు దూరంగా ఉన్నా.  యాక్టింగ్‌లో టాలెంట్ చూపిస్తే సరిపోదు.. అంతకన్నా ముందు వ్యక్తు లను ఎలా మేనేజ్ చేయాలనేది తెలుసుకోవాల్సి ఉంటుం ది. లేకపోతే మీ టాలెంట్ స్టోర్ రూమ్‌కే పరిమితమవుతుంది. అవకాశాల కోసం అందరినీ అడుక్కోవడం, పీఆర్ చేయడం నాకు రాదు’ అని తెలిపింది రిమీ సేన్.