భద్రాచలం (విజయక్రాంతి): తెలంగాణ ఆర్యవైశ్య కార్పొరేషన్ భద్రాచలం నియోజకవర్గం ఇంఛార్జిగా చింతల వినోద్ కుమార్ ను నియమిస్తూ భద్రాద్రి కొత్తగూడెం జిల్లా ఆర్యవైశ్య కార్పొరేషన్ ఇంఛార్జి పోద్దుటూరి నాగేశ్వరరావు నియామక పత్రాన్ని అందజేశారు. ఈ సందర్భంగా భద్రాద్రి కొత్తగూడెం జిల్లా ఆర్యవైశ్య మహాసభ తాజా మాజీ అధ్యక్షులు, అంతర్జాతీయ వాసవి క్లబ్స్ సమన్వయకర్త, వాసవీ క్లబ్స్ జిల్లా V106A గవర్నర్ (2026) శ్రీ చారుగుళ్ల శ్రీనివాస్, ఆర్య వైశ్య మహాసభ తాజా మాజీ భద్రాచల నియోజకవర్గ చైర్మెన్ ఉడత నగేష్ కుమార్, కో చైర్మెన్ సముద్రాల అనిల్ కుమార్ శుభాకాంక్షలు తెలిపారు. ఈ సందర్భంగా చింతల వినోద్ కుమార్ తెలంగాణ రాష్ట్ర ఆర్య వైశ్య కార్పొరేషన్ చైర్మెన్ శ్రీమతి కాల్వ సుజాతకి, జిల్లా ఆర్య వైశ్య కార్పొరేషన్ ఇంచార్జి పొద్దుటూరి నాగేశ్వరరావుకి కృతజ్ఞతలు తెలుపుతూ పేద ఆర్య వైశ్యుల ఆర్థిక అభ్యున్నతికి కృషి చేస్తానని తెలిపారు.