ఎల్బీనగర్ ఎమ్మెల్యే సుధీర్‌రెడ్డి

ఎల్బీనగర్, జూలై 5: పేదలకు సీఎం సహాయనిధి భరోసా అని ఎల్బీనగర్ ఎమ్మెల్యే సుధీర్‌రెడ్డి అన్నారు. నాగోల్ డివిజన్‌లోని సాయిభవానీనగర్‌కు చెందిన శివకుమార్ ఇటీవల జరిగిన రోడ్డు ప్రమాదంలో తీవ్రంగా గాయపడ్డాడు. వైద్య ఖర్చుల నిమిత్తం కుటుంబ సభ్యులు సీఎంఆర్‌ఎఫ్‌కు దరఖాస్తు పెట్టుకున్నారు. ఎమ్మెల్యే సహకారంతో రూ.లక్ష మంజూరవడంతో శుక్రవారం చెక్కును ఎమ్మెల్యే సుధీర్‌రెడ్డి అందజేశారు. కార్యక్రమంలో బీఆర్‌ఎస్ నాయకులు అనంతుల రాజిరెడ్డి, చెరుకు ప్రశాంత్‌గౌడ్, తూర్పాటి చిరంజీవి, కాటపాక రవి, ఇటికల యాదగిరి, నిఖీల్‌గౌడ్ పాల్గొన్నారు.