calender_icon.png 1 December, 2025 | 3:37 AM

  • top-fb.png
  • top-tw.png
  • top-insta.png
  • top-yt.png

వైన్ షాప్ ఏర్పాటు నిరసిస్తూ రోడ్డు ఎక్కిన కాలనీవాసులు

01-12-2025 02:07:06 AM

మిర్యాలగూడ, నవంబర్ 30. (విజయక్రాంతి): మిర్యాలగూడ పట్టణంలోని నందిపాడు బైపాస్ చౌరస్తా ( బ్లాక్ స్పాట్) జో న్ లో ఏర్పాటు చేసిన వైన్ షాప్ ని వెంటనే తొలగించాలంటూ స్థానిక శరణ్య గ్రీన్ హోమ్స్ వెల్ఫేర్ అసోసియేషన్ సభ్యులు ఆదివారం రోడ్డెక్కారు. వివరాలు ఇలా ఉన్నాయి.

రాష్ట్రములోనే ప్రమాదాల నమోదులో రెండవ స్థానంలో ఉన్న ఈ జోన్ లో పరిధిలో శరణ్య గ్రీన్ హోమ్స్ గే టెడ్ కమ్యూనిటీ  లో సుమారు 130 కుటుంబాలు నివాసం ఉంటున్నాయని అక్కడ వైన్ షాప్ ఏర్పాటు చేయడం పట్ల గతంలోని స్థానిక ఎమ్మెల్యే బి ఎల్ ఆర్ తో పాటు ఆబ్కా రి శాఖ అధికారులకు, మున్సిపల్ కమిషనర్ కు వినతి పత్రాలు అందజేసినప్పటికీ తమ విన్నపాన్ని పరిగణలోకి తీసుకోకుండా వైన్ షాప్ ఏర్పాటు చేయడం అందులో సరుకు దిగుమతి చేయడం పట్ల కాలనీవాసులు ఆవేదన వ్యక్తం చేశారు.

దీనిని నిరసిస్తూ అద్దంకి -నార్కట్ ప ల్లి జాతీయ రహదారిపై కాలనీకి చెందిన సుమారు వందమంది చిన్నారులు కుటుంబ సభ్యులు రోడ్డెక్కి ధర్నా చేశారు. దీంతో వందలాది వాహనాలు రోడ్డుపై నిలవడంతో ట్రాఫిక్ కు అంతరాయం ఏర్పడింది. సమాచారం అందుకున్న పోలీసులు అక్కడికి చేరుకొని నిరసనకారులకు నచ్చజెప్ప డంతో ధర్నాని విరమించారు.