ములకలపల్లి,నవంబర్ 30 (విజయక్రాంతి); గ్రామపంచాయతీ ఎన్నికల్లో ములకలపల్లి మండల వ్యాప్తంగా ఉన్న 20 గ్రామ పంచాయతీలలో సిపిఎం, సిపిఐ, సిపిఐ (ఎంఎల్ )మాస్ లైన్ పార్టీలు కలిసికట్టుగా పోటీ చేయాలని నిర్ణయించాయి. ఈ విషయాన్ని సిపిఎం రాష్ట్ర కమిటీ సభ్యులు అన్నవరపు కనకయ్య,సిపిఐ జిల్లా కార్యవర్గ సభ్యులు నరాటి ప్రసాద్,మాస్ లైన్ పార్టీ జిల్లా కార్యదర్శి వర్గ సభ్యులు నూపా భాస్కర్ ఆదివారం ఇక్కడ తెలియజేశారు.

మండలంలో అనేక సమస్యలు పరిష్కరించాలని పోరాటాలు నిర్వహిస్తున్న కమ్యూనిస్తులను గెలిపించాలని, మండల వ్యాప్తంగా పేదల పక్షాన నిలబడి అనేక ఉద్యమాలు, పోరాటాలు నిర్వహించిన చరిత్ర, పేదవార్గాలకు అండగా నిలిచిన కమ్యూనిస్టు పార్టీల అభ్యర్థులకు ఓటు వేసి గెలిపించాలని కోరారు. అట్లాగే మండల వ్యాప్తంగా పోడు ఉద్యమం ద్వారా వేల ఎకరాల భూమి పేదల చేతిలో ఉండటానికి కమ్యూనిస్టు పార్టీలు నిర్వహించిన సుదీర్ఘ పోరాటాల ఫలితమేనని అన్నారు.

భవిష్యత్తులో పేదవారికి అండా,దండ ఒక్క ఎర్ర జెండా మాత్రమేనని మండల వ్యాప్తంగా కమ్యూనిస్టు పార్టీ అభ్యర్థులను అత్యధిక మెజారిటీతో గెలిపించాలని పిలుపునిచ్చారు. ఈ కార్యక్రమంలో కల్లూరి కిషోర్, ముదిగొండ రాంబాబు,పోతుగంటి లక్ష్మణ్, కోర్స రామకృష్ణ,గౌరి నాగేశ్వరావు, రవికుమార్, రావుజా, పి వెంకటేశ్వర్లు, మధు, అమల, నారటి రమేష్, సి హె ఖి వెంకటేశ్వర్లు, సాయి, ఖాసీం తదితరులు పాల్గొన్నారు.