కాంగ్రెస్ పార్టీలోకి జోరుగా వలసలు

అంతకు కొద్దిగా తక్కువ స్థాయిలో బీజేపీలోకి..

ఇప్పుడంతటా ‘ఆపరేషన్ ఆకర్ష్’

మహబూబ్‌నగర్, ఏప్రిల్ (విజయక్రాంతి): వేసవి తాపాన్ని మించి పార్లమెంట్ ఎన్నికలు హీట్ ఎక్కిస్తున్నాయి. రాజకీయ పార్టీలు నువ్వా..? నేనా..? అనే విధంగా ఎన్నికల బరిలోకి దిగుతున్నాయి. ఏ పార్టీకి ఆ పార్టీ చేరికలను ప్రోత్సహిస్తున్నాయి. ముఖ్యనాయకులకు గాలాలు వేస్తున్నాయి.. అసెంబ్లీ ఎన్నికల తర్వాత రాష్ట్రంలో కాంగ్రెస్ ప్రభుత్వం అధికారంలోకి వచ్చింది. తద్వారా ఆ పార్టీ ప్రాబల్యం పెరిగింది. దీంతో ఎక్కువ మంది నేతలు ‘చేయి’ అందుకోవడానికే ఇష్టపడుతున్నారు. అలాగే మోస్తరుగా బీజేపీలో కొందరు చేరుతున్నారు. చిన్నాచితకాగా బీఆర్‌ఎస్‌లోకీ వలసలు ప్రారంభమయ్యాయి.