ప్లాస్టిక్ కవర్లతో ప్రమాదం

రాష్ట్రమంతటా ప్లాస్టిక్ కవర్ల నిషేధం అమలు కావడం లేదు. వాటి వాడకం విచ్చలవిడిగా సాగుతోంది. అధికారులు చూసీచూడనట్లుగా వ్యవహరిస్తుండడంతో సమస్య తీవ్రమవుతోంది. చెత్త నుంచి 25 శాతం ప్లాస్టిక్ కవర్లు వస్తున్నట్టు అంచనా. అనేక మురుగు కాల్వలు, చెరువులు, కుంటలు, చెత్త కుప్పల్లో పాలిథిన్ సంచులే ఎక్కువగా దర్శనమిస్తున్నాయి. నిషేధిత కవర్లను బహిరంగంగానే విక్రయిస్తున్నా క్షేత్రస్థాయిలో తనిఖీలు చేస్తున్న దాఖలాలు లేవు. ప్రజలు వాటికి ప్రత్యామ్నాయ పద్ధతులను ఎన్నుకోవాలి. అధికారులు కఠినంగా వ్యవహరించాలి.

- కామిడి సతీష్ రెడ్డీ, జయశంకర్ భూపాలపల్లి జిల్లా