- ఎమ్మెల్యే మేడిపల్లి సత్యం

చొప్పదండి (విజయక్రాంతి): కాంగ్రెస్ పార్టీతోనే అభివృద్ధి సంక్షేమం సాధ్యమని, స్థానిక సంస్థల ఎన్నికల్లో అభివృద్ధి, సంక్షేమానికే ప్రజలు పట్టం కట్టబోతున్నారని, 70 నుండి 80 శాతం సర్పంచ్, వార్డు స్థానాలను కాంగ్రెస్ పార్టీ గెలుచుకుంటుందని ఎమ్మెల్యే మేడిపల్లి సత్యం తెలిపారు. శనివారం గంగాధర మండలం కురిక్యాల గ్రామ తాజా మాజీ సర్పంచ్ కడారి కనకయ్య, సర్పంచ్ అభ్యర్థి కడారి రేణుక 200 మందితో ఎమ్మెల్యే సత్యం ఆధ్వర్యంలో కాంగ్రెస్ పార్టీలో చేరగా ఎమ్మెల్యే కండువాళ్ళ కప్పి పార్టీలోకి ఆహ్వానించారు.

ఈ సందర్భంగా ఆయన మాట్లాడుతూ గత 10 ఏళ్లలో గ్రామాల్లో అభివృద్ధి సంక్షేమం కుంటూ పడిందని గుర్తు చేశారు. ప్రస్తుతం రాష్ట్రంలో అభివృద్ధి, సంక్షేమం రెండు కండ్లుగా ముఖ్యమంత్రి రేవంత్ రెడ్డి ఆధ్వర్యంలో ప్రభుత్వం పని చేస్తుందన్నారు. చొప్పదండి నియోజకవర్గంలో సైతం  గతంలో జరగని అభివృద్ధి జరుగుతోందని తెలిపారు. ఈ కార్యక్రమంలో మార్కెట్ కమిటీ చైర్మన్ జాగిరపు రజిత శ్రీనివాస్ రెడ్డి, సింగిల్ విండో చైర్మన్ వెలిచాల తీర్మల్ రావు, కాంగ్రెస్ పార్టీ మండల అధ్యక్షుడు పురుమల్ల మనోహర్, మేర్జ కొండయ్య, అర్కుటి లింగయ్య, ఒగ్గరి శ్రీనివాస్, జవ్వాజి మహేందర్, కవిత, తదితరులు పాల్గొన్నారు.